पटणाच्या ढाब्यावर आमिरने घेतला ‘लिट्टी-चोखा’चा स्वाद

आगामी ‘पीके’ चित्रपटाच्या प्रसिद्धीकरिता आमिर सध्या दौ-यावर आहे. शनिवारी बिहारला या चित्रपटाची प्रसिद्धी करण्यात आली. यावेळी आमिरने तेथील लिट्टी चोखा या खाद्याचा आस्वाद घेतला. “लिट्टी चोखा हे त्याच्या विशेष चवीसाठी प्रसिद्ध आहे. मला हा पदार्थ खाण्यास खूप आवडतो,” असे आमिरने प्रसार माध्यमांशी बोलताना सांगितले.
आमिर येणार असल्याची बातमी कळल्यामुळे हजारो नागरिक त्याला बघण्यासाठी आले होते. मात्र, त्यांना निराश होऊन घरी परतावे लागले कारण, त्यापूर्वीच आमिर तेथून निघून गेला होता. आमिरने बिहारी राय या दुकानावर लिट्टी चोखाचा स्वाद घेतला. त्यानंतर या दुकानात सदर पदार्थ खाण्यासाठी प्रचंड गर्दी होऊ लागल्याचे दुकानाचे मालक बिहारी राय यांनी सांगितले. आपल्या दुकानाकडे जास्तीत जास्त लोकांना आकर्षित करण्यासाठी राय यांनी आमिरसोबतच्या छायाचित्रांचा बॅनर करून लावला आहे.