दाक्षिणात्य चित्रपटसृष्टीतील अनेक कलाकार अलीकडे बॉलीवूडमध्ये पदार्पण करीत आहेत. विजय देवरकोंडा, रश्मिका मंदाना, समंथा यांसारख्या दाक्षिणात्य कलाकारांनी हिंदी चित्रपटसृष्टीत स्वत:ची एक वेगळी ओळख निर्माण केली आहे. आता बॉलीवूडच्या तुलनेत दाक्षिणात्य चित्रपटांचा चाहतावर्ग वाढत चालला आहे. याविषयी ‘दृश्यम’ फेम अभिनेत्रीने आपले मत मांडले आहे.
‘अमरउजाला’च्या संवाद कार्यक्रमात श्रिया सरनने हजेरी लावली होती. या वेळी श्रियाला दाक्षिणात्य चित्रपसृष्टी म्हणजेच साऊथ इंडस्टी आणि बॉलीवूड यामध्ये काय फरक आहे आणि साऊथ चित्रपट दिवसेंदिवस हिट होण्यामागे कारण काय? तू दोघांपैकी कोणाची निवड करशील, असा प्रश्न विचारण्यात आला. प्रश्नाला उत्तर देत श्रिया म्हणाली, “साऊथ असो किंवा बॉलीवूड माझे दोन्ही चित्रपट हिट झाले आहेत. आरआरआर आणि दृश्यम दोन्ही चित्रपटांना प्रेक्षकांनी भरभरून प्रतिसाद दिला.”
हेही वाचा : ‘आदिपुरुष’नंतर क्रिती सेनॉन दिसणार रोमॅंटिक भूमिकेत, ‘या’ सुप्रसिद्ध अभिनेत्याबरोबर शेअर करणार स्क्रीन
श्रिया पुढे म्हणाली, “मला वाटते की चित्रपटाचे कथानक जास्त महत्त्वाचे असते. चांगल्या कथांना प्रेक्षक पसंती देतात आणि चित्रपटगृहांमध्ये जाऊन सिनेमे पाहतात. आता निर्माते आणि दिग्दर्शकांना हे कळले पाहिजे की, कितीही मोठा स्टार असो चित्रपट हा कथेच्या जोरावर बॉक्स ऑफिसवर चालतो. कोरोनानंतर परिस्थिती बदलली असून आता कलाकार एखाद्या चित्रपटाची निवड करताना सर्वात आधी स्क्रिप्ट आवर्जून पाहतात. आपण सतत नवनवे प्रयत्न करणे आवश्यक असते.”
हेही वाचा : Video : करण देओलच्या रिसेप्शनमध्ये रणवीर-दीपिकाने केला जबरदस्त डान्स; व्हिडीओ व्हायरल
दरम्यान, अभिनेत्री श्रिया सरनने ‘दृश्यम’ चित्रपटात अजय देवगणच्या बायकोची भूमिका साकारली होती. ‘दृश्यम’ चित्रपटाच्या दोन्ही भागांना प्रेक्षकांचा भरभरून प्रतिसाद मिळाला असून या सिनेमाने बॉक्स ऑफिसवर चांगली कमाई केली आहे.