de dhakka 2 movie siddharth jadhav ate 12 omlette makarand anaspure shared shooting scened | “सिद्धार्थने पहिल्याच दिवशी १२ ऑम्लेट...”, मकरंद अनासपुरेंनी सांगितला ‘तो’ किस्सा | Loksatta

“सिद्धार्थने पहिल्याच दिवशी १२ ऑम्लेट…”, मकरंद अनासपुरेंनी सांगितला ‘तो’ किस्सा

‘दे धक्का २’ चित्रपटाच्या संपूर्ण टीमने लोकसत्ता ऑनलाइनच्या डिजिटल अड्डाला हजेरी लावली.

“सिद्धार्थने पहिल्याच दिवशी १२ ऑम्लेट…”, मकरंद अनासपुरेंनी सांगितला ‘तो’ किस्सा
'दे धक्का २' चित्रपटाच्या टीमने लोकसत्ता ऑनलाइनच्या डिजिटल अड्डाला हजेरी लावली.

बहुचर्चित आणि बहुप्रतिक्षित ‘दे धक्का २’ हा चित्रपट ५ ऑगस्ट रोजी चित्रपटगृहांत प्रदर्शित झाला आहे. महेश मांजरेकर दिग्दर्शित या चित्रपटाची प्रेक्षक आतुरतेने वाट बघत होते. मकरंद अनासपुरे, शिवाजी साटम, सिद्धार्थ जाधव, मेधा मांजरेकर, गौरी इंगवले, सक्षम कुलकर्णी अशी तगडी स्टारकास्ट असलेला ‘दे धक्का २’ प्रेक्षकांचं मनोरंजन करत आहे. नुकतंच लोकसत्ता ऑनलाइनच्या डिजिटल अड्डाला या चित्रपटाच्या संपूर्ण टीमने हजेरी लावली. यावेळी विचारण्यात आलेल्या प्रश्नांची दिलखुलासपणे उत्तरे देताना कलाकारांनी अनेक किस्सेही सांगितले.

‘दे धक्का २’ चित्रपटाचा पहिला भाग सुपरहिट ठरला होता. २००८ साली ‘दे धक्का’ चित्रपट प्रदर्शित झाला होता. ‘दे धक्का’ चित्रपटाच्यावेळी अभिनेता सिद्धार्थ जाधव नवखा कलाकार होता. मराठी चित्रपटसृष्टीत त्याने नुकतंच पाऊल ठेवलं होतं. या चित्रपटाच्या निमित्ताने त्याच्या करिअरलाही सुखद धक्का मिळाल्याचं सिद्धार्थने सांगितलं. या चित्रपटाच्या चित्रीकरणादरम्यानचा सिद्धार्थचा एक किस्सा अभिनेता मकरंद अनासपुरे यांनी सांगितला. ते म्हणाले “शरीरयष्टी सुधारण्यासाठी सिद्धार्थ तेव्हा खूप व्यायाम करायचा. ‘दे धक्का’ चित्रपटाच्या चित्रीकरणाच्या पहिल्याच दिवशी सिद्धार्थने नाश्त्याला तब्बल १२ ऑम्लेट खाल्ले होते. हे पाहून हा खूप खतरनाक माणूस आहे असं आम्हाला वाटलं होतं. आता तो एकदम फिट आहे”. मकरंद अनासपुरेंनी सिद्धार्थचा हा किस्सा सांगितल्यानंतर एकच हशा पिकला.

‘दे धक्का’ चित्रपटात कुस्ती खेळणारा किस्ना रोज १२ अंडी खाताना दाखवला आहे. सिद्धार्थ जाधवने १२ ऑम्लेट खाल्यानंतर ‘दे धक्का’मधील किस्नाला अंडी खायला दाखवतानाची कल्पना दिग्दर्शक महेश मांजरेकर यांना सुचली असल्याचंही मकरंद अनासपुरे यांनी सांगितले. चित्रपटाच्या चित्रीकरणादरम्यानचे अनेक गमतीदार किस्से यावेळी कलाकारांनी शेअर केले.

हेही पाहा : ‘दे धक्का २’ टीमची लंडनमध्ये धमाल; शूटिंगदरम्यानचे फोटो पाहिलेत का?

‘दे धक्का २’ चित्रपट लंडनमध्ये चित्रित करण्यात आला आहे. चित्रपटात इतर कलाकारांसोबतच महेश मांजरेकर, प्रवीण तरडे महत्त्वाच्या भूमिकेत दिसणार आहेत. ‘दे धक्का’प्रमाणेच या चित्रपटाचा सिक्वेलही प्रेक्षकांचं पुरेपूर मनोरंजन करत आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
महेश मांजरेकरांना कर्करोगाचं निदान झाल्याचं कळताच नेमकं काय घडलं? मेधा म्हणतात, “सर्वात दुःखद धक्का आणि…”

संबंधित बातम्या

‘द काश्मीर फाइल्स’संदर्भातील वादानंतर नदाव लॅपिड यांची पहिली प्रतिक्रिया; म्हणाले, “मी त्याला व्हल्गर म्हणालो कारण…”
“तो माझ्यापेक्षा वयाने…” ऋतुराज गायकवाडबरोबरच्या अफेअरच्या चर्चांवर सायली संजीवने केलेले उघडपणे भाष्य
बहुचर्चित ‘अवतार २’ केरळमध्ये होणार नाही रिलीज; चित्रपटगृहाच्या मालकांचा मोठा निर्णय, ‘हे’ आहे कारण
“मी मराठी असल्याचा…” अभिजीत सावंतचे स्पष्ट वक्तव्य
“एवढ्या खालच्या थराला…” मानसी नाईकने सांगितले घटस्फोट घेण्यामागचे कारण

व्हिडिओ

ताज्या बातम्या
Akshaya Hardeek Wedding : ‘हळद लागली, हळद लागली…’ नवरदेव बसला पाटावर, हार्दिक जोशीच्या हळदी कार्यक्रमाची खास झलक
“Greatest Off All Time म्हणजेच GOAT”, बकऱ्यावर चढला फुटबॉल फिव्हर, Viral Video पाहून नेटिझन्स म्हणाले, ‘भावा याला तर FIFA ला पाठवा’
FICA: धक्कादायक! पैसा की देश, फिकाच्या रिपोर्टने क्रिकेटविश्वात उडवली खळबळ
“आमच्या सर्वांची भूमिका राज्यपालांना समर्थन करणारी नाही, पण…”; भाजपा प्रदेशाध्यक्ष चंद्रशेखर बावनकुळेंचं विधान!
“मी टीकेचा धनी…” सिद्धार्थ जाधवने केले सिनेसृष्टीतील ट्रोलिंगवर भाष्य