deputy cm devendra fadnavis wife amruta fadnavis at bus bai bus show | Loksatta

Bus Bai Bus : ‘कुठे आसामला नेणार का?’, देवेंद्र फडणवीसांचा फोटो पाहताच अमृता फडणवीसांनी विचारलेल्या प्रश्नावर पिकला हशा

अमृता फडणवीस यांनी नुकतीच ‘बस बाई बस’ या क्रार्यक्रमात हजेरी लावली.

Bus Bai Bus : ‘कुठे आसामला नेणार का?’, देवेंद्र फडणवीसांचा फोटो पाहताच अमृता फडणवीसांनी विचारलेल्या प्रश्नावर पिकला हशा

उपमुख्यमंत्री देवेंद्र फडणवीस यांच्या पत्नी अमृता फडणवीस कायमच चर्चेत असतात. सोशल मीडियाच्या माध्यमातून त्या अनेक गोष्टींवर आपलं मत अगदी परखडपणे मांडताना दिसतात. यामुळे कित्येकदा त्यांना ट्रोलिंगचा सामनाही करावा लागला आहे. अमृता या पेशाने बॅंकर असून त्या उत्तम गायिकाही आहेत. गाण्यांच्या माध्यमातून त्या प्रेक्षकांचं मनोरंजन करतात. नुकतंच त्यांनी झी मराठी वाहिनीवरील ‘बस बाई बस’ या क्रार्यक्रमात हजेरी लावली.

अभिनेता सुबोध भावे ‘बस बाई बस’ या कार्यक्रमाचे सूत्रसंचालन करत आहे. या कार्यक्रमात अमृता फडणवीसांना उपमुख्यमंत्री देवेंद्र फडणवीस यांचा फोटो दाखवण्यात आला. फोटो पाहताच अमृता यांनी देवेंद्र फडणवीसांना विचारलेल्या प्रश्नाचा व्हिडीओ सोशल मीडियावर सध्या व्हायरल होत आहे. ‘बस बाई बस’ या कार्यक्रमातील हा व्हिडीओ झी मराठीने त्यांच्या सोशल मीडिया अकाऊंटवरून शेअर केला आहे. देवेंद्र फडणवीसांचा फोटो पाहताच अमृता फडणवीस यांनी “काय मग आज वेळ मिळाला वाटतं?”,असा प्रश्न विचारला. पुढे त्या म्हणाल्या, “कुठे आसामला नेणार का?”. त्यांनी असं विचारल्यावर कार्यक्रमात एकच हशा पिकला. अमृता फडणवीसांनी विचारलेल्या या प्रश्नाची सोशल मीडियावर चर्चा होताना दिसत आहे. त्यांनी विचारलेल्या या प्रश्नाचा राज्यात घडलेल्या राजकीय घडामोडींशी संबंध जोडला जात आहे.

या कार्यक्रमात अमृता फडणवीसांना “देवेंद्र फडणवीस मुख्यमंत्री होते तेव्हा त्यांना माननीय मुख्यमंत्री असे म्हणायचे. पण, तुम्हाला मात्र लोक मामी म्हणतात. तर हे ऐकून तुम्हाला कसं वाटतं?”, असाही प्रश्न विचारण्यात आला. यावर त्यांनी गमतीने “लोक मला मामी म्हणतात हे ऐकून फारच मजा येते”, असं उत्तर दिलं.

‘बस बाई बस’ या कार्यक्रमाला प्रेक्षकांची पसंती मिळत आहे. या कार्यक्रमात वेगवेगळ्या क्षेत्रात कर्तृत्व गाजवलेल्या महिला सहभागी होतात. खासदार सुप्रिया सुळेंनीही या कार्यक्रमात हजेरी लावली होती. आता कार्यक्रमात अमृता फडणवीस सहभागी होणार आहेत. हा भाग पाहण्यासाठी प्रेक्षकही उत्सुक आहेत.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“तुम्ही प्लास्टिक सर्जरी केली आहे का?” प्रश्नावर अमृता फडणवीसांचं सडेतोड उत्तर, म्हणाल्या, “मला ट्रोल केलं पण…”

संबंधित बातम्या

“बाळासाहेब ठाकरे हे एकमेव राजकारणी होते ज्यांनी…”, ‘काश्मीर फाइल्स’वर बोलताना अनुपम खेरांचं वक्तव्य
स्वप्निल जोशीने झोमॅटो अ‍ॅपबद्दल केली तक्रार, ट्वीट करत कंपनी म्हणाली “यावर उपाय…”
‘काश्मीर फाइल्स’वरील टीकेनंतर पहिली प्रतिक्रिया काय होती, अनुपम खेर म्हणाले, “हिंसक होती, मनात आलं की…”
नोरा फतेहीला डान्सरचा चुकीच्या पद्धतीने स्पर्श; व्हिडीओ व्हायरल
“तुम्ही जन्मत:च हिंस्र विकृत आहात की…” सुमीत राघवनला नेटकऱ्याचा प्रश्न; अभिनेत्याच्या आरे कारशेडवरील ‘त्या’ वादग्रस्त ट्वीटनंतर रंगले ट्विटर वॉर

व्हिडिओ

ताज्या बातम्या
पुणे: कमी पटसंख्येच्या शाळा बंद नाही करण्यात येणार नाही; शिक्षण आयुक्त सूरज मांढरे यांची स्पष्टोक्ती
Exclusive Video : गोष्ट पुण्याची भाग- ५८ : हजारो वर्षांपूर्वी भारतात आलेल्या बेनेइस्राइल समाजाचे प्रार्थनालय
तुमच्या आडनावाचा महाराष्ट्राशी संबंध आहे का? अनुपम खेर यांनी उत्तर देत सांगितला ‘खेर’चा इतिहास, म्हणाले, “गाढव…”
IND vs BAN 1st ODI: भारतासमोर आज बांगलादेशचे आव्हान, जाणून घ्या पहिली वनडे कधी आणि कुठे बघायला मिळणार
धारावी पुनर्विकास प्रकल्प हे धारावीकरांसाठी स्वप्न नव्हे, मृगजळच!