Film critic Kaushik LM passed away on Monday after suffering a heart attack nrp 97 | दाक्षिणात्य चित्रपट समीक्षकाचे हृदयविकाराच्या झटक्याने निधन, धनुष, विजय देवरकोंडाने वाहिली श्रद्धांजली | Loksatta

दाक्षिणात्य चित्रपट समीक्षकाचे हृदयविकाराच्या झटक्याने निधन, धनुष, विजय देवरकोंडाने वाहिली श्रद्धांजली

त्यांच्या अकाली निधनामुळे तामिळ आणि तेलुगू चित्रपटसृष्टीतील कलाकारांना मोठा धक्का बसला आहे.

दाक्षिणात्य चित्रपट समीक्षकाचे हृदयविकाराच्या झटक्याने निधन, धनुष, विजय देवरकोंडाने वाहिली श्रद्धांजली
कौशिक एलएम

दाक्षिणात्य चित्रपटांचे समीक्षण करणारे प्रसिद्ध समीक्षक कौशिक एलएम यांचे निधन झाले आहे. सोमवारी (१५ ऑगस्ट) हृदयविकाराच्या झटक्याने त्यांचा मृत्यू झाला. ते ३६ वर्षांचे होते. त्यांच्या अकाली निधनामुळे तामिळ आणि तेलुगू चित्रपटसृष्टीतील कलाकारांना मोठा धक्का बसला आहे. त्यांच्या निधनानंतर अनेकांनी सोशल मीडियावर शोक व्यक्त करत पोस्ट शेअर केल्या आहेत.

कौशिक एलएम यांना मनोरंजन क्षेत्राची सखोल माहिती आणि अभ्यास असणारे म्हणून ओळखले जायचे. त्यासोबच ते इन्फ्लुएंसर, यूट्यूब व्हिडिओ जॉकी आणि चित्रपट समीक्षणही करायचे. त्यांनी अनेक तामिळ, तेलुगू या भाषेतील चित्रपटांचे समीक्षण केले आहे. दाक्षिणात्य चित्रपटांचे प्रसिद्ध समीक्षक असे त्यांची ओळख होती. त्यांच्या आकस्मिक निधनाच्या बातमीमुळे त्यांच्या चाहत्यांसह इतर कलाकारांना धक्का बसला आहे.

अभिनेता धनुष यानेही त्यांच्या निधनानंतर ट्वीट करत शोक व्यक्त केला आहे. हे फार हृदयद्रावक आहे !! कौशिक एलएम भाऊ, तुम्ही फार लवकर निघून गेलात. त्यांचे कुटुंबीय आणि मित्रांप्रती माझ्या मनापासून संवेदना, असे ट्वीट करत धनुषने त्यांना श्रद्धांजली वाहिली आहे.

दाक्षिणात्य अभिनेत्री किर्ती सुरेशने ट्विटरवर कौशिक यांच्या निधनाबद्दल शोक व्यक्त केला आहे. ती म्हणाली, ही बातमी ऐकल्यानंतर त्यावर व्यक्त होण्यासाठी माझ्याकडे शब्दच नाहीत. हे अविश्वसनीय आहे! मी त्यांचे कुटुंबीय आणि मित्रांप्रती संवेदना व्यक्त करते. कौशिक आता आपल्यात नाहीत, यावर विश्वासच बसत नाही! तर अभिनेता विजय देवरकोंडा यानेही कौशिक यांना श्रद्धांजली वाहिली आहे. तुझा विचार करुन मी प्रार्थना करतोय. तुझी खूपच आठवण येईल, असे ट्विट विजय देवरकोंडाने केले आहे.

मी अत्यंत जड अंत:करणाने हे लिहित आहे. मी कौशिक एलएम यांना अनेकवेळा मुलाखतीसाठी भेटले. त्यावेळी ते नेहमीच खूप छान आणि व्यवस्थित बोलायचे. मी अगदी नवीन असतानाही त्यांनी माझे स्वागत केले. त्यांचे जाणे हे माझ्यासाठी अविश्वसनीय आहे, असे अभिनेत्री रितिका सिंगने म्हटले आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“मला संपवायला निघालेल्यांचा ६ महिन्यात…”, किरण मानेंची ‘ती’ पोस्ट चर्चेत

संबंधित बातम्या

“सैराटने मराठी चित्रपटसृष्टी उद्ध्वस्त केली”; अनुराग कश्यपचं मोठं विधान, ‘कांतारा’च्या यशानंतर रिषभ शेट्टीला सल्ला देत म्हणाला…
“…म्हणून मी ‘कांतारा’सारखा चित्रपट कधीच बनवणार नाही”; ‘तुंबाड’शी तुलना झाल्यावर दिग्दर्शकाने मांडलं स्पष्ट मत
अक्षय कुमारच्या ‘वेडात मराठे वीर दौडले सात’मधील शिवरायांच्या भूमिकेवर अमोल कोल्हेंची प्रतिक्रिया; म्हणाले…
तब्बल २० वर्षांनी पुन्हा प्रदर्शित होतोय रजनीकांत यांचा ‘हा’ सुपरहिट चित्रपट; तिकीट फक्त ९९ रुपये
‘आरआरआर’, ‘केजीएफ’ नव्हे तर ‘या’ चित्रपटाला लोकांनी सर्वाधिक सर्च केलंय; गुगलने दिली माहिती

व्हिडिओ

ताज्या बातम्या
विश्लेषण: कैद्यांच्या देवाणघेवाणीत रशियाच्या तावडीतून अमेरिकन बास्केटबॉल पटूची मुक्तता! ब्रिटनी ग्रिनर प्रकरण नेमके काय आहे? जाणून घ्या
सोलापूर: शिवसेनेत पद घेण्यास दिलीप सोपल यांचा नकार
शनिदेव डिसेंबर महिन्यात ‘या’ राशींना बनवतील श्रीमंत? २०२२ च्या शेवटच्या महिन्यात होणार अपार धनलाभ
पुण्यात ११ ते १५ जानेवारी २०२३ दरम्यान महाराष्ट्र केसरी स्पर्धा होणार
कोरेगाव भीमा स्तंभ अभिवादन दिनाच्या नियोजनावरून बार्टीवर होणारे आरोप तथ्यहीन