Govinda Discharge from Hospital: पायाला गोळी कशी लागली? गोविदांनं सांगितला त्यादिवशी घडलेला घटनाक्रम

यावेळी मंगळवारी सकाळी नेमकं काय झालं होतं, याचाही तपशील गोविदांनं माध्यमांशी बोलताना दिला.

हे वाचा >> Govinda: गोविंदाला रुग्णालयातून मिळाला डिस्चार्ज, वडिलांची अवस्था पाहून लेक झाली भावुक, व्हिडीओ व्हायरल

मंगळवारी सकाळी मिसफायर झाल्याबाबत माहिती देताना गोविंदा म्हणाला की, मी कोलकाता येथे एका शोसाठी निघालो होतो. सकाळी पावणे पाचची वेळ होती. त्यावेळी बंदूक माझ्या हातून पडली आणि गोळी सुटली. सुरुवातीला झटका लागल्याचं मला जाणवलं. खाली वाकून पाहिलं तर रक्ताच्या धारा निघत होत्या. मला वाटलं यात इतर कुणाला सहभागी करू नये, यासाठी मी डॉ. अग्रवाल यांच्यासह क्रिटीकेअर रुग्णालयात उपचारासाठी दाखल झालो.

डॉक्टर काय म्हणाले?

क्रिटीकेअर एशिया हॉस्टिपटलचे डॉ. रमेश अग्रवाल यांनी गोविंदाला डिस्चार्ज मिळाल्यानंतर माध्यमांशी बोलताना प्रकृतीबाबत माहिती दिली. ते म्हणाले, “गोविंदाला तीन ते चार आठवडे आराम करावा लागणार आहे. व्यायाम आणि फिजिओथेरपी सुरू ठेवावी लागेल. त्यांची प्रकृती आता बरी आहे, ते नेहमीप्रमाणे उत्साही आहेत. आहारही व्यवस्थित सुरू असून ते उपचाराला प्रतिसाद देत आहेत.”

हे ही वाचा >> गोविंदा गोळीबार प्रकरणात मोठा ट्विस्ट; अभिनेत्याच्या जबाबाशी पोलीस असहमत, पुन्हा होणार चौकशी

दरम्यान गोविंदाची पत्नी सुनीता अहुजा यांनीही माध्यमांशी बोलताना डिस्चार्ज मिळत असल्याबाबत आनंद वाटतो, असे सांगितले.

सुनीता अहुजा म्हणाल्या की, माझे पती आज बरे होऊन घरी परतत आहे, याचा मला आनंद वाटत आहे. त्यांची प्रकृती आता ठणठणीत आहे. थोड्याच दिवसांत ते पुन्हा नाचू-गाऊ लागतील. काही दिवसांनी ते पुन्हा काम सुरू करतील. घरी आता नवरात्रीचा उत्सव सुरू आहे. उत्सवात ते घरी येतायत याचा आनंद वाटतो.