गश्मीर महाजनी हा मराठी चित्रपटसृष्टीतील लोकप्रिय अभिनेता म्हणून ओळखला जातो. गश्मीर हा ज्येष्ठ मराठी अभिनेते रवींद्र महाजनी यांचा मुलगा आहे. त्याने ‘देऊळबंद’ सारख्या दमदार मराठी चित्रपटांमध्ये काम केलं आहे. रवींद्र महाजनी यांचं निधन झाल्यावर मध्यंतरी अभिनेता चांगलाच चर्चेत आला होता. अलीकडेच त्याने सोशल मीडियावर ‘आस्क गॅश’ हे प्रश्नोत्तरांचं सेशन घेऊन चाहत्यांच्या प्रश्नांना उत्तरं दिली.
सोशल मीडियावर घेतलेल्या प्रश्न उत्तरांच्या सेशनमध्ये चाहत्यांनी गश्मीरला वेगवेगळे प्रश्न विचारले होते. एका युजरने, “सध्याच्या राजकीय परिस्थितीबाबत तुमचं मत काय?” असा प्रश्न त्याला विचारला होता. याला गश्मीरने “जे अजूनतरी माझं क्षेत्र नाही आणि ज्यातलं आता तरी मला सखोल ज्ञान नाही, त्यावर मी भाष्य करु इच्छित नाही” असं उत्तर दिलं.
हेही वाचा : गेल्या २० वर्षांपासून संजय दत्त शोधतोय अमीषा पटेलसाठी जोडीदार; म्हणाला, “तुझ्या लग्नात…”
गश्मीरला दुसऱ्या एका युजरने, “गश्मीर हे नाव खूप अनोखं आहे…कोणी ठेवले? आई, बाबा की आजी आजोबा?” असा प्रश्न विचारला होता. यावर माझं नाव “गुरुजींनी ठेवले” असा खुलासा गश्मीर महाजनीने केला आहे.
हेही वाचा : “आडनाव बदलायचा प्रश्नच नाही”, जेव्हा गौतमी पाटीलच्या वडिलांनी टीका करणाऱ्यांना दिलं होतं सडेतोड उत्तर
दरम्यान, गश्मीरने सरसेनापती हंबीरराव, देऊळबंद, कॅरी ऑन मराठा अशा बऱ्याच चित्रपटांमध्ये प्रमुख भूमिका साकारली आहे. लवकरच अभिनेता एका नव्या चित्रपटाच्या माध्यमातून प्रेक्षकांच्या भेटीला येणार आहे.