मराठी संगीत विश्वात मिलीनीयर म्हणून ओळखल्या जाणाऱ्या संगीतकार प्रशांत नाकतीने लग्नगाठ बांधली आहे. दर्जेदार मराठी गाणी बनवणारा प्रशांत विवाहबंधनात अडकला आहे. त्याने प्रिया गोसावीशी विवाह केला आहे. या दोघांचा सुंदर विवाहसोहळा मराठमोळ्या पद्धतीत पनवेल येथे थाटामाटात पार पडला. या सोहळ्याला जवळपास २०० हून अधिक कलाकारांनी हजेरी लावली होती.
हेही वाचा – “मी मायलेकीला सोडलं नाही”; गौतमी पाटीलच्या वडिलांचा दावा; म्हणाले, “मी पुण्यात असताना…”
प्रशांत व प्रियाच्या विवाहसोहळ्यासाठी विनायक माळी, गायक हर्षवर्धन वावरे, गायक रवींद्र खोमणे, गायक केवल वाळंज, गायिका सोनाली सोनावणे, संगीतकार कुणाल करण, विशाल फाले, नीक शिंदे, रितेश कांबळे, विजय सोनावणे, गौरी पवार अशा अनेक कलाकारांनी हजेरी लावली होती.
विशेष म्हणजे प्रशांत नाकतीने लिहीलेली गायलेली गाणी सोशल मीडियावर चर्चेत असतात. सोशल मिडीयावर त्याच्या गाण्यांचा मोठा चाहता वर्ग देखील आहे. प्रशांतची ‘पोरी तुझ्या नादानं’, ‘माझी बायगो’, ‘लाजरान साजरा मुखडा’, ‘मी नादखुळा’, ‘आपली यारी’ अशी एकाहून एक भन्नाट गाणी तुफान व्हायरल झाली. आता लग्नानंतर प्रशांतचं नवीन गाणं कोणतं असेल यासाठी त्याचे चाहते उत्सुक आहेत. तर दुसरीकडे प्रशांतच्या लग्नाचं एक सुंदर ओरिजनल गाणं देखिल लवकरचं प्रदर्शित होणार आहे.