पूजा करताना आला हृदयविकाराचा झटका, ४५ वर्षीय अभिनेत्याचे निधन

गिरी दिनेशचे (Actor Giri Dinesh Passed Away) हृदयविकाराच्या झटक्याने निधन झाले. त्याच्या निधनाची बातमी आल्याने इंडस्ट्रीवर शोककळा पसरली आहे. गिरी दिनेश शुक्रवारी संध्याकाळी पूजा करत असताना त्याला छातीत दुखू लागलं, नंतर त्याला तातडीने जवळच्या रुग्णालयात नेण्यात आलं, मात्र त्याला मृत घोषित करण्यात आलं. मनी कंट्रोलने यासंदर्भात वृत्त दिलं आहे.

गिरी दिनेशने ‘बारे नन्ना मुदिना रानी’ या चित्रपटातून तिने बालकलाकार म्हणून आपल्या फिल्मी करिअरला सुरुवात केली. त्याने २००८ मध्ये कन्नड अभिनेता दर्शनचा भाऊ दिनाकर थुगुदीपाने दिग्दर्शित केलेल्या ‘नवग्रह’ चित्रपटात शेट्टीची भूमिका साकारून प्रचंड लोकप्रियता मिळवली होती. त्याने ‘चमकैसी चिंदी उदासी’ आणि ‘वज्र’ यांसारख्या सुपरहिट चित्रपटांमध्येही काम केलं होतं. विविधांगी भूमिका साकारून प्रेक्षकांची मने जिंकणारा हा अभिनेता कन्नड फिल्म इंडस्ट्रीतील सर्वोत्कृष्ट अभिनेत्यांपैकी एक होता.

हेही वाचा – “समोरच्या व्यक्तीचा खूप…”, नागा चैतन्यचे दुसऱ्या लग्नानंतर समांथाबद्दल वक्तव्य; म्हणाला, “नातं तोडण्यापूर्वी मी…”

हेही वाचा – प्रसिद्ध अभिनेत्रीने बिझनेसमनशी केला साखरपुडा, आजपासून लग्नाआधीच्या सेलिब्रेशनला सुरुवात, ‘या’ शहरात होणार लग्न

‘नवग्रह’ या चित्रपटात दर्शन, थरुन सुधीर, धरम कीर्तीराज, विनोद प्रभाकर, सृजन लोकेश यांसारख्या अनेक कलाकारांनी काम केलं होतं. ७ नोव्हेंबर २००८ रोजी प्रदर्शित झालेल्या या चित्रपटाने बॉक्स ऑफिसवर चांगली कमाई केली आणि त्या वर्षातील हिट चित्रपटांपैकी एक ठरला होता. हा चित्रपट नुकताच पुन्हा प्रदर्शित झाला. पुन्हा प्रदर्शित झाल्यावरही या चित्रपटाला प्रेक्षकांचा चांगला प्रतिसाद मिळाला होता.