बॉलिवूडचा किंग खान शाहरुख आता नव्याने रुपेरी पडद्यावर कमबॅक करतोय. त्याचे दोन बिग बजेट हिंदी चित्रपट प्रदर्शनाच्या मार्गावर आहेत. सध्या त्याच्या चित्रपटांच्या कामामध्ये तो व्यस्त आहेच. पण त्याचबरोबरीने सध्या तो एका वेगळ्याच कारणामुळे चर्चेत आला आहे. शाहरुखने त्याच्या राहत्या घरी एका जंगी पार्टीचं आयोजन केलं होतं.
शाहरुखने मन्नतमध्ये आयोजित केलेल्या पार्टीमध्ये परदेशातील काही दिग्गज मंडळींनी हजेरी लावली होती. या पार्टीमध्ये फ्रान्स, कॅनडा तसेच इतर देशांमधील राजदूत उपस्थित होते. या पार्टीदरम्यानचे फोटो सध्या सोशल मीडियावर व्हायरल होत आहेत. या व्हायरल फोटोंमध्ये शाहरुख परदेशातील पाहुण्यांचा पाहुणचार करताना दिसत आहे. तसेच त्यांच्याबरोबर फोटो देखील काढत आहे.
आणखी वाचा – Photos : साऊथच्या चित्रपटांना टक्कर देणार बॉलिवूडचे ‘हे’ ५ चित्रपट, बॉक्स ऑफिसवर कमावणार कोट्यावधी रूपये
फ्रान्सचे भारतीय राजदूत Mr. Jean-Marc Séré-Charlet यांनी मन्नतवर झालेल्या पार्टीनंतर एक ट्विट करत शाहरुखचं कौतुक केलं आहे. “फ्रान्सचा सर्वोच्च नागरी पुरस्कार शाहरुख खानला देणं अगदी योग्य आहे. शाहरुख तू दिलेल्या पार्टीबद्दल तुझे मनापासून आभार.” अशाप्रकारचं ट्विट फ्रान्सचे भारतीय राजदूत यांनी केलं आहे. तसेच त्यांनी शाहरुखसोबतचा फोटो देखील शेअर केला आहे.
आणखी वाचा – कतरिनाने पतीसोबत शेअर केला स्विमिंगपूलमधील सर्वात हॉट फोटो, दिसला रोमँटिक अंदाज
फक्त भारतातच नव्हे तर संपूर्ण जगामध्ये सांस्कृतिक दृष्ट्या शाहरुखने दिलेल्या योगदानासाठी त्याला या पुरस्काराने गौरवण्यात आलं. कॅनडाचे भारतातील राजदूत Diedrah Kelly यांनी देखील ट्विट करत शाहरुखचं तोंड भरून कौतुक केलं.