फॅशन दिवा सोनम कपूरच्या वाढदिवसासाठी स्टायलिश केक

बॉलिवूडमधील फॅशन दिवा सोनम कपूरचा आज (जून ९) २९वा वाढदिवस. तरुणींमध्ये तिच्या फॅशनची खूप क्रेझ आहे. तर, अशा या फॅशन दिवाच्या वाढदिवसाचा केकदेखील तितकाच स्टयलिश होता. तिने २०१३च्या कान चित्रपट महोत्सवात परिधान केलेल्या ड्रेसवरून या केकची निर्मिती करण्यात आली होती. २०१३च्या कान चित्रपट महोत्सवात रेड कार्पेटवर अवतरताना डोलचे अॅण्ड गबानाने तयार केलेला फुलाफुलांचा ड्रेस सोनमने परिधान केला होता. हा केक सोनमची बहिण आणि फॅशन डिझायनर रेआने सोनमसाठी आणला होता. सोनमने आपला वाढदिवस जवळची मैत्रीण जॅकलिन फर्नांडेस, करिष्मा कपूर आणि बहिण रेआबरोबर पार्टी करून कालपासूनच साजरा करण्यास सुरुवात केली आहे.
टि्वटरवरील संदेशात रेआने मोठी बहिण @sonamkapoor सोनमला वाढदिवसाच्या शुभेच्छा देत हा केक बनविणाऱ्या पुजा धिंगराचेदेखील @poojadhingra आभार मानले आहेत.