“ती मला सहन…” घटस्फोटाबाबत प्रसिद्ध अभिनेत्याचं वक्तव्य; दुसऱ्या पत्नीबद्दल म्हणाला, “मी तिला चार महिने…”

ताज्या एपिसोडमध्ये शिल्पा शिरोडकर व विवियन डिसेना बसून बोलत असतात. तेव्हा शिल्पा विवियनला त्याची पत्नी नूरन अलीबद्दल विचारते. दोघांची भेट कशी झाली असं शिल्पाने विचारल्यावर विवियन म्हणाला, “तिने माझ्या मुलाखतीसाठी माझ्या टीमशी संपर्क केला होता आणि मी तिला चार महिने वाट पाहायला लावली. त्यानंतर तिने मला थेट मेसेज केला आणि मला अनप्रोफेशनल म्हटलं.”

हेही वाचा – Bigg Bossच्या पहिल्याच एपिसोडला ऐतिहासिक TRP! अभिनेत्याची मोठी घोषणा; म्हणाला, “होस्ट म्हणून शेवटचा सीझन…”

शिल्पाने विवियनला पहिल्या घटस्फोटाबाबत विचारलं. विवियनने २०१३ मध्ये सुप्रसिद्ध अभिनेत्री वाहबिज दोराबजीशी लग्न केलं होतं. २०२१ मध्ये दोघांचा घटस्फोट झाला. शिल्पाने विवियनला विचारलं की त्याचं पहिलं लग्न किती काळ टिकलं? त्यावर विवियन म्हणाला, “मला माहीत नाही, पण कदाचित तोपर्यंत जेव्हापर्यंत ती मला सहन करू शकत होती आणि समजू शकत होती की मी कोण आहे.”

हेही वाचा – Bigg Boss 18: गुणरत्न सदावर्तेंची अचानक शोमधून एक्झिट! नेमकं काय घडलं? ते बिग बॉसच्या घरात परतणार का? वाचा

विवियन व नूरन यांची पहिली भेट इजिप्तमध्ये एका इव्हेंटमध्ये झाली. तिथे हे दोघे भेटले आणि त्यांच्यात जवळीक वाढली. “तिथेच सगळं सुरू झालं. ती खूप चांगली आहे. ती माझ्या आयुष्यात आहे, याचा मला आनंद आहे,” असं विवियन म्हणाला. तसेच मागच्या काही वर्षात आपल्या स्वभावात खूप बदल झाल्याचं विवियनने सांगितलं. हे बदल एका रात्रीत झाले नाही, मात्र ती मुलगी (नूरन अली) खूप सॉलिड आहे, असं विवियनने नमूद केलं.

हेही वाचा – या आठवड्यात ओटीटीवर काय पाहायचं? वाचा चित्रपट अन् वेब सीरिजची यादी

विवियन डिसेनाने स्वीकारला इस्लाम धर्म

ख्रिश्चन कुटुंबात जन्मलेल्या विवियनने इस्लाम धर्म स्वीकारला आहे. २०१९ पासून आपण इस्लाम धर्माचे पालन करत असल्याचं विवियनने एका मुलाखतीत सांगितलं होतं. “माझ्या आयुष्यात फारसा बदल झालेला नाही. माझा जन्म ख्रिश्चन कुटुंबात झाला आणि आता मी इस्लामचे पालन करतो. २०१९ सालातील रमजान महिन्यापासून मी इस्लामचे पालन करण्यास सुरुवात केली. दिवसातून ५ वेळा प्रार्थना केल्याने मला खूप चांगलं वाटतं,” असं विवियन डिसेना एका मुलाखतीत म्हणाला होता.