‘महाराष्ट्राची हास्यजत्रा’ फेम अभिनेत्री वनिता खरात २ फेब्रुवारीला विवाहबंधनात अडकली. वनिताने बॉयफ्रेंड सुमित लोंढेबरोबर सप्तपदी घेत चाहत्यांना आनंदाची बातमी दिली. मोजक्याच मंडळींच्या उपस्थित वनिताचा पारंपरिक पद्धतीने विवाहसोहळा पार पडला. वनिताची जवळची मित्र मंडळीही तिच्या या खास क्षणी उपस्थित होती. तिने लग्नासाठी एका सुंदर ठिकाणाची निवड केली होती.
वनिता व सुमितला त्यांचं लग्न अगदी खास आणि कायम लक्षात राहिल असं हवं होतं. म्हणूनच त्यांनी एका डेस्टिनेशनची निवड केली. ठाण्यातील येऊर हिल्स येथील एका रिसॉर्टमध्ये त्यांचा विवाहसोहळा पार पडला. ‘Exotica’ असं या रिसॉर्टचं नाव आहे. निर्सगरम्य असं इथे वातावरण आहे.
या रिसॉर्टमध्ये लग्न करण्यासाठी जवळपास ३० हजारापेक्षा अधिक रुपये भाडं आहे. शिवाय जेवणामध्ये शाकाहारी व मांसाहारी निवड करता येते. वनिता व सुमितने या रिसॉर्टमध्ये लग्न केलं. पण या रिसॉर्टमध्ये एका जेवणाच्या ताटाची किंमत अगदी महाग आहे. शाकाहारी जेवणाचं एक ताट ८५० रुपये तर शाकाहारी व मांसाहारी जेवणाचं एक ताट एक हजार रुपयांच्या घरात आहे.
म्हणजेच वनिता व सुमितने त्यांच्या लग्नासाठी हजारो रुपये खर्च केला असल्याचं दिसत आहे. ‘महाराष्ट्राची हास्यजत्रा’ शोमधील अनेक कलाकारांनी वनिता व सुमितच्या लग्नात हजेरी लावली. वनिताचा नवरा सुमित एक व्हिडीओ क्रिएटर आणि ब्लॉगर आहे. आधीपासूनच मैत्री असलेल्या वनिता व सुमितच्या नात्याला एका पिकनिकनंतर सुरुवात झाली. आता दोघंही सुखाचा संसार करत आहेत.