‘दिल दोस्ती दुनियादारी’ फेम अभिनेत्री स्वानंदी टिकेकर सध्या चांगलीच चर्चेत आहे. रिलेशनशिपबाबत घोषणा केल्यानंतर अवघ्या दोन दिवसांत स्वानंदी टिकेकर आणि आशिष कुलकर्णी यांचा साखरपुडा थाटात संपन्न झाला. स्वानंदीच्या साखरपुड्याचे बरेच फोटो सध्या सोशल मीडियावर व्हायरल झाले होते. आता साखरपुड्यानंतर स्वानंदी आणि आशिष फिरायला बाहेर गेले आहेत.
हेही वाचा- स्पृहा जोशी सासूला कोणत्या नावाने हाक मारते? खुलासा करत म्हणाली “वरदच्या आईला…”
स्वानंदी आणि आशिष फिरायला अफ्रिकेला गेले आहेत. स्वानंदीने सोशल मीडियावर या ट्रीपचे फोटोही शेअर केले आहेत. स्वानंदीने आपल्या इन्स्टाग्राम स्टोरीवर ट्रीपचे व्हिडिओही शेअर केले आहेत. पहिल्या व्हिडिओत स्वानंदी आणि आशिष केन्यातील हॉटेलमध्ये बसून जेवण करताना दिसत आहेत. त्यांच्या हॉटेलबाहेर हरिण गवत खाताना दिसत आहे. दुसऱ्या फोटोत स्वानंदी आणि आशिषबरोबर त्यांचा टूर गाईडही दिसत आहे.
साखरपुड्यानंतर स्वानंदी आणि आशिषची ही पहिलीच भारताबाहेरच ट्रीप आहे. काही दिवसांपूर्वी स्वानंदी आणि आशिष धबधब्याच्या ठिकाणी फिरायला गेले होते. त्या ट्रीपचे फोटो दोघांनी सोशल मीडियावर शेअर केले होते. त्या फोटोंवर अनेक चाहत्यांनी लाईक करत कमेंटचा पाऊस पाडला होता.
