cm eknath shinde appeal builders to make affordable house in homethon property expo in mumbai zws 70 | Loksatta

सामान्यांसाठी परवडणारी घरे बांधा! ; मुख्यमंत्र्यांचे बांधकाम व्यावसायिकांना आवाहन

‘नॅशनल रिअल इस्टेट डेव्हलपमेंट कौन्सिल’तर्फे (नारेडेको) आयोजित ‘प्रॉपर्टी एक्स्पो २०२२’ मध्ये मुख्यमंत्री बोलत होते.

सामान्यांसाठी परवडणारी घरे बांधा! ; मुख्यमंत्र्यांचे बांधकाम व्यावसायिकांना आवाहन
बीकेसी येथे आयोजित करण्यात आलेल्या होमेथॉन प्रॉपर्टी एक्स्पो २०२२ या प्रदर्शनाला मुख्यमंत्री एकनाथ शिंदे यांनी रविवारी भेट दिली. त्यानंतर मुंबईतील प्रमुख विकासकांशी संवाद साधला.

लोकसत्ता विशेष प्रतिनिधी

मुंबई: परवडणाऱ्या घरांच्या निर्मितीसाठी केंद्र आणि राज्य सरकार विविध योजना राबवीत आहे. सर्वसामान्यांचे घराचे स्वप्न पूर्ण होण्यासाठी खासगी क्षेत्रातील बांधकाम व्यावसायिकांनी पुढाकार घेऊन घरांच्या किमती परवडणाऱ्या ठेवाव्यात, असे आवाहन मुख्यमंत्री एकनाथ शिंदे यांनी रविवारी येथे केले.

‘नॅशनल रिअल इस्टेट डेव्हलपमेंट कौन्सिल’तर्फे (नारेडेको) आयोजित ‘प्रॉपर्टी एक्स्पो २०२२’ मध्ये मुख्यमंत्री बोलत होते. खासदार डॉ. श्रीकांत शिंदे, ‘नारेडेको’चे महाराष्ट्र अध्यक्ष संदीप रुणवाल, नारेडेकोचे राष्ट्रीय उपाध्यक्ष निरंजन हिरानंदानी, राजन बांदेलकर, अभय चांडक आदी उपस्थित होते.

सामान्य माणसाला त्याच्या हक्काचे घर मिळावे यासाठी केंद्राने प्रधानमंत्री आवास योजना सुरू केली. सर्वासाठी घरे’ या संकल्पनेतून ही योजना सामान्यांच्या हक्काच्या घराचे स्वप्न साकारताना दिसून येत आहे. राज्यातही शहरी आणि ग्रामीण भागात या योजनेच्या अंमलबजानवणीत अव्वल राहिले आहे. बांधकाम क्षेत्राला चालना देण्यासाठी सरकारकडून विविध सवलती दिल्या जात आहेत. या क्षेत्राला अधिक बळकटी देण्यासाठी आम्ही नक्कीच प्रयत्न करू, अशी ग्वाही शिंदे यांनी यावेळी दिली.

विकासकाने घरे बांधत असताना एक सामाजिक बांधिलकी म्हणून पोलिसांना घरे द्यावीत असे सांगून पोलिसांसाठी घरांना प्राधान्य देण्याकरिता योजना तयार करण्यात येईल, असेही मुख्यमंत्र्यांनी सांगितले.

मुंबई आणि महानगरामध्ये मोठय़ा प्रमाणावर पायाभूत सुविधांचे प्रकल्पांची कामे सुरू आहेत. त्यामुळे या क्षेत्राचा होणारा विकास लक्षात घेऊन त्या भागात गृहनिर्माण प्रकल्पदेखील झपाटय़ाने उभे राहत आहेत. राज्यभरात बांधकाम क्षेत्रात सुसूत्रता यावी आणि शहरांच्या विकासात एकत्रितपणा यावा, यासाठी नगरविकास विभागाने एकात्मिक विकास योजना राज्यभर लागू केली आहे. बांधकाम व्यावसायिकांनी मोकळय़ा जागेवरील नव्या बांधकामांऐवजी जुन्या मोडकळीस आलेल्या इमारतींच्या पुनर्विकासासाठी पुढे आले पाहिजे. मुंबईच्या धर्तीवर समुह विकास व झोपडपट्टी पुनर्विकास नियमावली राज्यातील अन्य शहरांमध्ये लागू केल्यामुळे तेथील जुन्या वसाहतींचा पुनर्विकास आता अधिक चांगल्या प्रकारे व नियोजनबध्द पध्दतीने करता येईल, असा विश्वासही शिंदे यांनी यावेळी व्यक्त केला.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
माजी आमदार अ‍ॅनी शेखर यांचे निधन

संबंधित बातम्या

मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
“एक पठ्ठ्या ‘उठ दुपारी आणि घे सुपारी’ असाच कार्यक्रम…”, सुषमा अंधारेंची राज ठाकरेंवर बोचरी टीका
मुंबई: राज्यातील शिक्षण संस्थांमध्ये मल्टीपल एन्ट्री-एक्झीटचा पर्याय; येत्या शैक्षणिक वर्षापासून अंमलबजावणी
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
ओला, उबरच्या धर्तीवर बेस्टची टॅक्सी सेवा; पुढील सहा महिन्यांत ५०० टॅक्सी बेस्टच्या ताफ्यात दाखल होणार

व्हिडिओ

ताज्या बातम्या
मुंबई: नवजात बालकाला इमारतीवरून फेकणाऱ्या महिलेला तीन वर्षांनी जामीन
राज ठाकरेंच्या कोकण दौऱ्याचा कार्यकर्त्यांना नव्हता थांगपत्ता; सिंधुदुर्ग जिल्ह्याची मनसे कार्यकारिणी बरखास्त
पुणे: शिवाजीनगर, डेक्कनमधील वीजपुरवठा रविवारी सकाळी बंद; महापारेषणकडून पूर्वनियोजित दुरुस्ती
रविवारच्या मेगाब्लाॅकमधून मुंबईकरांची सुटका; महापरिनिर्वाणदिनानिमित्त मेगाब्लाॅक नाही
Viral Video: 114 kmph वेगानं दुचाकी चालवणाऱ्या दोन तरुणांचा मृत्यू, दुभाजकाला धडक दिल्याचा थरार कॅमेरात झाला कैद