in five second hack atm hackers arrested bandup police in bhandup ssa 97 | Loksatta

तब्बल पाच सेकंदात एटीएम करायचे हॅक; बँकांना चुना लावणाऱ्यांना ‘अशी’ केली अटक

हरियाणाच्या दोघांना एटीएम हॅक करून बँकांना लाखो रुपयांचा गंडा घालताना अटक केली आहे.

तब्बल पाच सेकंदात एटीएम करायचे हॅक; बँकांना चुना लावणाऱ्यांना ‘अशी’ केली अटक
कोथरुडमधील गुंडाच्या विरोधात झोपडपट्टी दादा कायद्यान्वये कारवाई

तब्बल पाच सेकंदात एटीएम हॅक करून बँकांना लाखो रुपयांचा चुना लावण्याचा प्रकार भांडुप मध्ये समोर आला आहे. भांडुप पोलिसांनी या प्रकरणाचा पर्दाफाश केलाय. या प्रकरणात दोन जणांना भांडुप पोलिसांनी आतापर्यंत ताब्यात घेतलं आहे.

आरिफ खान आणि तारीख खान, असं अटक करण्यात आलेल्यांची नावे आहेत. हे दोन्ही हरियाणाचे रहिवासी आहेत. या दोघांना एटीएम मशीनमधून पैसे काढताना ट्रांजेक्शन झाल्यावर पाच सेकंदात ती मशीन हॅक कशी करायची याची माहिती मिळाली होती. त्यानुसार ते एन. आर. सी कंपनीचे एटीएम असलेल्या बँका शोधून काढायचे. त्याठिकाणी जाऊन एटीएम पिन टाकल्यानंतर ट्रेमध्ये पैसे येताक्षणी ते एटीएम हॅक करायचे. ज्यामुळे बँकांच्या अकाउंटमध्ये या व्यवहाराची इंट्रीच व्हायची नाही आणि आरोपींना मात्र रोख रक्कम मिळायचे.

आतापर्यंत या दोघांनी विविध एटीएममधून दोन लाख 55 हजाराची रोख रक्कम हॅक करून काढली आहे. भांडुपमधील अभुदय बँकेच्या एटीएममध्ये एक इसम संशयास्पदरीत्या वारंवार ट्रांजेक्शन करत असल्याचं बँकेच्या कर्मचाऱ्यांना दिसून आलं. त्यावेळी त्यांनी त्याची चौकशी करून त्याला पोलिसांच्या ताब्यात दिलं. पोलिसांनी यानंतर त्याची उलट तपासणी करून त्याच्या आणखी एका साथीदाराला मुंबई विमानतळावरून ताब्यात घेतलं.

एटीएम सुविधा पुरविणाऱ्या एन. आर. सी कंपनीला या संदर्भात बँक प्रशासन आणि पोलिसांकडून माहिती देण्यात आली आहे. त्यानुसार या कंपनीने आपली सर्व एटीएम ही बंद केले आहेत. या दोघांनी नेमका आतापर्यंत बँकांना कितीचा गंडा घातला आहे, याचा अधिक तपास भांडुप पोलीस करत आहेत.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुंबई : विलेपार्ले येथे नाल्यामध्ये सात झोपड्या खचल्या

संबंधित बातम्या

मुंबई: विलेपार्ले स्टुडिओ घोटाळ्यात अखेर महापालिकेची कारवाई
हार्बरची धाव लवकरच बोरिवलीपर्यंत; भूसंपादन प्रस्ताव मंजुरीसाठी राज्य सरकारकडे सादर
मुंबई: कुर्ला, सीएसएमटी, दादर रेल्वे स्थानकांवर हल्ला करण्याची धमकी
खारमध्ये डिलिव्हरी बॉयकडून घरात घुसून महिलेचा विनयभंग, पीडिता म्हणाली, “त्याने माझे…”
धारावीचं टेंडर विशिष्ट व्यक्तीला मिळावं म्हणून सीमावाद पुढे आणला जातोय का? शरद पवार म्हणाले…

व्हिडिओ

ताज्या बातम्या
लेकीच्या जन्मानंतर काय बदललं? आलिया भट्ट पहिल्यांदाच प्रतिक्रिया देत म्हणाली, “अभिनेत्री म्हणून माझा….”
भर वर्गातच शिक्षिकेचा भन्नाट डान्स, विद्यार्थ्यांनाही नाचवलं ; शाळेतील Viral Video इंटरनेटवर गाजला
Video: शिस्त म्हणजे शिस्त! कळपातून वेगळं धावणाऱ्या हत्तीच्या पिल्लांना हत्तीने कसा धडा शिकवला पाहा
“…म्हणूनच आम्ही अलिबागमध्ये घर खरेदी केले” रणवीर सिंगने केला खुलासा
“बल्बचा शोध कधी लागला? मराठी माणसाला येड्यात…”, जितेंद्र आव्हाडांचं खोचक ट्वीट; ‘वेडात मराठे..’ चित्रपटावरून टोला!