मंत्रालयासमोर तरुणाचा आत्महत्येचा प्रयत्न

बुधवारी सकाळी मंत्रालयासमोर एका तरुणाने आत्महत्येचा प्रयत्न केल्याने एकच खळबळ उडाली. अविनाश शेटे असे त्या तरुणाचे नाव असून त्याने अंगावर रॉकेल ओतून जाळून घेण्याचा प्रयत्न केला. पोलिसांनी त्याला ताब्यात घेतले असून तो मूळचा अहमदनगरचा रहिवासी असल्याचे समजते. अविनाशने सहाय्यक कृषी अधिकारी पदासाठी परीक्षा दिली होती. मात्र नोकरी मिळत नसल्याने त्याने हे कृत्य केल्याचे एबीपी माझा वृत्तवाहिनीने म्हटले आहे.