‘परे’वर १० तासांचा ब्लॉक

वैतरणा ते सफाळे रोड दरम्यान असलेल्या पुलाचा जुना गर्डर काढून नवीन गर्डर टाकण्याचे काम करण्यासाठी पश्चिम रेल्वेवर १० तासांचा ब्लॉक घेण्यात येणार आहे. रविवार, १ मे रोजी हा ब्लॉक सकाळी सात ते सायंकाळी सव्वापाच वाजेपर्यंत घेतला जाईल. या ब्लॉकदरम्यान बोरिवली, चर्चगेट-डहाणू रोड यांदरम्यानच्या १६ लोकल सेवा, ११ मेमू व डेमू सेवा आणि नऊ लांब पल्ल्याच्या गाडय़ा रद्द करण्यात आल्या आहेत. २४ एप्रिल रोजी याच कामासाठी या मार्गावर मोठा ब्लॉक घेण्यात आला होता.
ब्लॉकच्या काळात विरार, चर्चगेट आणि बोरिवली येथून डहाणू रोड येथे जाणाऱ्या आणि डहाणू रोड येथून या स्थानकांकडे येणाऱ्या सर्व लोकल सेवा रद्द केल्या जाणार आहेत. या सेवांची संख्या १६ एवढी आहे.