सावली तालुक्यातील हिरापूर येथे वाघाने केलेल्या हल्ल्यात शेतकऱ्याचा मृत्यू झाला. भक्तदास श्रीरंग झारकर (४४) असे मृताचे नाव आहे.भक्तदास झरकर गुरुवारी वसंत पिपरखेडे आणि रजत राऊत यांच्यासह किसाननगर शेतशिवारालगत कोंडेखल मायनर लोडी पुलाजवळ बैल धुण्यासाठी गेले होते. दरम्यान, तेथे दबा धरून बसलेल्या वाघाने झरकर यांच्यावर हल्ला केला. यात त्यांचा घटनास्थळीच मृत्यू झाला. या घटनेमुळे परिसरात दहशतीचे वातावरण आहे.
