Premium

हवामान बदलामुळे नऊ महिन्यांत तीन हजार मृत्यू; ‘सेंटर फॉर सायन्स अँड एन्व्हायर्नमेंट’च्या अहवालातून देशातील धक्कादायक आकडेवारी

नऊ महिन्यांतील २७३ दिवसांपैकी १७६ दिवस वीज कोसळणे आणि वादळामुळे देशात कुठेना कुठे दुर्घटनांची नोंद झाली.

climate change linked to three thousand deaths in nine months
(संग्रहित छायाचित्र)

नागपूर : हवामान बदलामुळे मोठी मनुष्यहानी होत असून, देशात यंदाच्या नऊ महिन्यांत हवामान बदलामुळे तीन हजार जणांचा मृत्यू झाल्याची धक्कादायक माहिती ‘सेंटर फॉर सायन्स अ‍ॅन्ड एन्व्हायर्नमेंट’च्या अहवालातून उघड झाली आहे.

या बातमीसह सर्व प्रीमियम कंटेंट वाचण्यासाठी साइन-इन करा

देशात जानेवारी ते सप्टेंबर २०२३ या कालावधीत बहुतांश दिवस अत्यंत तीव्र हवामान होते. या कालावधीत सुमारे २,९२३ जणांचा मृत्यू झाला. जवळपास २० लाख हेक्टरवरील पिके उद्ध्वस्त झाली. ८० हजार घरे नष्ट झाली आणि ९२ हजारांहून अधिक प्राण्यांचा मृत्यू झाला. हा आकडा अधिकही असू शकतो, असे या अहवालात म्हटले आहे. बिहारमध्ये ६४२, हिमाचल प्रदेशात ३६५ आणि उत्तर प्रदेशात ३४१ जणांच्या मृत्यूची नोंद झाली.

हेही वाचा >>> सर्वोच्च न्यायालयाची दिल्लीच्या नायब राज्यपालांना नोटीस

पंजाबमध्ये सर्वाधिक प्राणी मृत्युमुखी पडले. हिमाचल प्रदेशमध्ये अतिवृष्टीमुळे सर्वाधिक घरांचे नुकसान झाले. केरळमध्ये हवामान बदलाच्या सर्वाधिक ६७ दिवसांची नोंद झाली, तर राज्यात ६० जणांचा मृत्यू नोंदवले गेले. तेलंगणात ६२ हजार हेक्टरपेक्षा अधिक पीक क्षेत्रावर परिणाम झाला. या राज्यात प्राण्यांच्या मृत्यूचे प्रमाणही लक्षणीय आहे.

कर्नाटकात सुमारे ११ हजारांहून अधिक घरे जमीनदोस्त झाली. हिमाचल प्रदेश, पंजाब, हरियाणा, उत्तराखंड आणि राजस्थानलाही हवमान बदलाचा मोठा फटका बसला. आसाममध्ये तीव्र हवामानामुळे १०२ दुर्घटनांची नोंद झाली, तर ४८ हजार हेक्टरपेक्षाही अधिक क्षेत्रावरील पिके नष्ट झाली. नागालँडमध्ये १,९०० घरे उद्ध्वस्त झाली. फेब्रुवारी महिना गेल्या १२२ वर्षांतील सर्वाधिक उष्ण ठरला.

अतिवृष्टी, पूर, भूस्खलनामुळे मोठा विध्वंस

नऊ महिन्यांतील २७३ दिवसांपैकी १७६ दिवस वीज कोसळणे आणि वादळामुळे देशात कुठेना कुठे दुर्घटनांची नोंद झाली. त्यात ७११ जण मृत्युमुखी पडले. त्यापैकी सर्वाधिक मृत्यू बिहारमध्ये झाले. अतिवृष्टी, पूर आणि भूस्खलनामुळेही मोठा विध्वंस झाला. त्यात १,९०० हून अधिक जणांना प्राण गमवावे लागले.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Climate change linked to three thousand deaths in nine months zws

First published on: 09-12-2023 at 02:35 IST

आजचा ई-पेपर : नागपूर / विदर्भ

वाचा