‘धूम स्टाईल’ वाहन चालवणाऱ्यांची संख्या वाढली

वाहतूक पोलीस नसलेल्या सिग्नलवर अनेक वाहनचालक लाल दिवा लागलेला असतानाही वाहने सुसाट पळवत असतात. वेगमर्यादेचे उल्लंघन करणाऱ्यांचे धाडस दिवसेंदिवस वाढत आहे. शहरात वाहनांची संख्या वाढल्याने रस्त्यावरही वाहनांची गर्दी होत आहे. भरधाव वाहन चालवणाऱ्यांमध्ये महाविद्यालयीन तरुण-तरुणींचे प्रमाण जास्त आहे. जानेवारी ते १४ ऑक्टोबर या कालावधीत वाहतूक पोलिसांनी भरधाव वाहन चालवणाऱ्या १६ हजार ४५१ चालकांविरुद्ध दंडात्मक कारवाई केली. गेल्यावर्षी वाहतूक पोलिसांनी १३ हजार ३३ वाहनचालकांविरुद्ध वेगमर्यादेचे उल्लंघन केल्याप्रकरणी कारवाई केली होती. या कारवाईनंतर वाहनचालकांत वचक निर्माण व्हायला हवा होता. मात्र, सुसाट वाहन चालवणाऱ्यांची संख्या कमी होण्याऐवजी वाढतच आहे.

हेही वाचा >>> धमकीसत्र थांबेना… नवनीत राणा, रवी राणांना पोलीस सुरक्षा पुरविण्‍याची मागणी

दीडशेवर नागरिकांचा मृत्यू

सीताबर्डी, महाल, इतवारी, संत्रा मार्केट आणि धरमपेठ अशा गर्दीच्या ठिकाणी आणि गजबजलेल्या परिसरातही वाहने सुसाट चालवली जात आहेत. त्यामुळे अपघाताचा धोका वाढता वाढत आहे. ऑक्टोबर महिन्यांपर्यंत जवळपास सहाशेवर अपघात झाले असून त्यामध्ये दीडशेवर जणांचा मृत्यू झाल्याची माहिती समोर आली आहे.

हेही वाचा >>> Video : थरारक… ‘त्या’ दोन वाघिणींमध्ये तुंबळ लढाई, पर्यटकांच्या डोळ्यासमोर…

गजबजलेल्या रस्त्यावरुनही सुसाट

शहरातील सीताबर्डी, महाल, इतवारी, संत्रा मार्केट आणि धरमपेठ अशा गर्दीच्या ठिकाणी आणि गजबजलेल्या परीसरात रस्त्यावरुनही वाहने सुसाट चालविल्या जात आहेत. त्यामुळे अपघाताचा धोका वाढता वाढत आहे. पायी चालणाऱ्यांच्या मनात सुसाट धास्ती बसली आहे. ऑक्टोबर महिन्यांपर्यंत जवळपास सहाशेवर अपघात झाले असून त्यामध्ये दीडशेवर जणांचा मृत्यू झाल्याची माहिती समोर आली आहे. 

विशेष मोहीम राबवू-बाविस्कर

वेगमर्यादेचे उल्लंघन करणाऱ्या वाहनांवर कारवाई करण्यासाठी विशेष मोहीम राबवण्यात येणार आहे. तसेच सीसीटीव्हीच्या माध्यमातूनही सुसाट वाहन चालवणाऱ्यांवर दंडात्मक कारवाई करण्यात येणार आहे, असे सहायक पोलीस आयुक्त (वाहतूक शाखा).माधुरी बाविस्कर यांनी सांगितले.