वर्धा : महिलेकडून मोपेडमधून दारूची वाहतूक; सव्वा लाखाचा साठा पकडला

पिपरी येथील एका महिलेने तिच्या मोपेडमध्ये विक्रीसाठी दारू आणल्याची माहिती मिळाली. ‘ती’ची व तिचा सहकारी अक्षय घोंगडे यांच्या दुचाकीतून विविध कंपनीची दारू तसेच बिअर जप्त करण्यात आली. एक लाख वीस हजार रुपये किमतीचा मुद्देमाल जप्त करण्यात आला. रामनगर पोलीस आता चौकशी करीत आहे. पोलीस अधीक्षक नुरुल हसन यांनी नेमलेल्या सचिन इंगोले यांच्या चमूने ही कारवाई केली आहे. मोपेड गाडीचा दारू वाहतुकीसाठी महिलेने उपयोग करण्याची ही पहिलीच बाब ठरली आहे.