कोवळा प्रेमांकुर! अल्पवयीन बाला झाली माता म्हणून अल्पवयीन प्रियकर ताब्यात

वर्धा: पौगंडावस्थेतील तारुण्यात प्रेमांकुर बहरण्यास वेळ लागत नाही. मात्र अधिक मजल गाठली की हे कोवळे वय कोमेजायला वेळ पण लागत नाही. अशाच वयातील एका कन्येचे प्रेम नात्यातीलच एका मुलाशी जुळले. पण हे प्रेम भलतेच बहरले. पीडित कन्येचा अबोधपणाचा फायदा घेत ठिकठिकाणीच नव्हे तर प्रेमविराने तिच्या घरीही शारीरिक संबंध प्रस्थापित केले.

दरम्यान पीडिता गर्भवती राहिली. कुटुंबीयांनी तिला सेवाग्राम रुग्णालयात दाखल केले. बाळाचा जन्म झाल्यावर ही धक्कादायक बाब उजेडात आली. तक्रार झाल्यावर सिंदी पोलीसांनी अल्पवयीन प्रियकरास ताब्यात घेतले आहे. सींदी पोलीस ठाण्याच्या हद्दीत येणाऱ्या गावातील ही घटना आहे. गावात सर्वत्र याची चर्चा सुरू आहे.