वाशिम : घरात एकट्या असलेल्या ८ वर्षांच्या चिमुरडीवर अत्याचार, वज्रदेही महिला विकास संघाचा मोर्चा

वाशिम पोलीस ठाण्यात दिलेल्या फिर्यादीनुसार शहरातील पंचशील नगर येथे १ मे रोजी हळदीचा कार्यक्रम होता. त्यामुळे घरातील सदस्य कार्यक्रमाला गेले होते. त्यावेळी ८ वर्षीय चिमुरडी घरी एकटीच होती. हे बघून तुझ्या पप्पानी तुला बोलाविले म्हणून स्वतःच्या घरी नेऊन जबरदस्तीने अत्याचार केला. व कुणाला काही सांगितले तर जिवाने मारून टाकीन अशी धमकी दिली. अशी फिर्याद २ मे रोजी पोलीस ठाण्यात दिली.

हेही वाचा – ॲड. प्रकाश आंबेडकरांचे राजकारण जनतेने ओळखले; काँग्रेस पाडण्यासाठीच… डॉ. अभय पाटील यांची टीका

आरोपीला अटक केली असली तरी इतर सह आरोपी मोकाट असून त्यांनाही अटक करावी. या प्रकरणाचा तपास भक्कमपणे करून दोषीवर कडक कारवाई करावी, अशी मागणी वज्रदेही महिला विकास संघाच्या अध्यक्ष आरती ठोके यांनी आज जिल्हाधिकारी कार्यालयावर महिलांच्या उपस्थितीत मोर्चा काढून केली. यावेळी महिलांची मोठी उपस्थिती होती.

हेही वाचा – चालकाला डुलकी लागली अन ‘समृद्धी’वर बस उलटली

गत काही दिवसांपासून शहरासह जिल्ह्यात गुन्हेगारीच्या घटना घडत आहे. वाशिम शहरातदेखील यापूर्वी बलात्काराची घटना घडली होती. त्यानंतर पुन्हा एकदा शहरात ८ वर्षीय चिमुरडीवर अत्याचार झाल्याची घटना घडली असून पोलिसांनी कडक पावले उचलण्याची गरज व्यक्त केली जात आहे.