agitation by Mahavikas Aghadi for Declaring wet drought and Give compensation to the farmers | Loksatta

ओला दुष्काळ जाहीर करुन शेतकऱ्यांना नुकसान भरपाई द्या; मालेगावात महाविकास आघाडीचे आंदोलन

मालेगावमध्ये अतिवृष्टीमुळे शेत पिकांचे मोठ्या प्रमाणात नुकसान झाले आहे. मुख्य: अतिवृष्टीमुळे कांदा, मका, बाजरी, भुईमूग, डाळिंब, कडधान्य पिकांना मोठा फटका बसला आहे.

ओला दुष्काळ जाहीर करुन शेतकऱ्यांना नुकसान भरपाई द्या; मालेगावात महाविकास आघाडीचे आंदोलन
मालेगावात महाविकास आघाडीचे आंदोलन

अतिवृष्टीमुळे नाशिक जिल्ह्यातील मालेगाव तालुक्यात शेत पिकांचे मोठ्या प्रमाणावर नुकसान झाले आहे. शेतकऱ्यांना भरपाई देण्यासाठी शासन पातळीवर उदासिनता दिसून येत आहे. संपूर्ण तालुक्यात ओला दुष्काळ जाहीर करावा आणि शेतकऱ्यांना सरसकट नुकसान भरपाई द्यावी, या मागणीसाठी महाविकास आघाडीतर्फे येथील अप्पर जिल्हाधिकारी कार्यालयासमोर धरणे आंदोलन करण्यात आले. यावेळी संतप्त आंदोलकांनी रस्त्यावरच बैठक दिल्याने काही काळ येथील कॅम्प रस्त्यावरील वाहतूक ठप्प झाली होती.

हेही वाचा- जिल्हाधिकारी कार्यालयात तरुणाचा आत्मदहनाचा प्रयत्न; रुग्णवाहिकेच्या थकीत रकमेसाठी टोकाचे पाऊल

अतिवृष्टीमुळे पिकांचे नुकसान

यावर्षी सुरुवातीपासून सतत व मुसळधार पर्जन्यवृष्टी होत आहे. ऑगस्ट आणि सप्टेंबर महिन्यात अनेक भागात ढगफुटीसदृश्य पाऊस झाला. या अतिवृष्टीमुळे कांदा, मका, बाजरी, भुईमूग, डाळिंब, कडधान्य अशा सर्वच पिकांचे अतोनात नुकसान झाले आहे. अशा परिस्थितीत ओला दुष्काळ जाहीर करुन सर्व शेतकऱ्यांना शासनाने तातडीने नुकसान भरपाई देणे अभिप्रेत असताना तालुक्यातील केवळ २२ गावांमधील नुकसानीचेच पंचनामे महसूल आणि कृषी विभागाच्या यंत्रणांनी केले आहेत. त्यामुळे पिके हातची गेली असताना बहुसंख्य शेतकरी नुकसान भरपाईपासून वंचित राहण्याची भीती निर्माण झाल्याबद्दल आंदोलकांनी आक्षेप घेतला आहे.

तालुक्यात ओला दुष्काळ जाहीर करण्याची शेतकऱ्यांची मागणी

अतिवृष्टी, पुरांमुळे नदी आणि नाल्यांच्या काठावरील अनेक ठिकाणी पिकांसह शेतजमिनी वाहून गेल्या आहेत. नाळे येथे पाझर तलाव फुटल्याने शंभर एकरावरील शेतीचे पिकांसह नुकसान झाले. तलावाखालील भागातील विहिरी गाळाने भरुन गेल्या. अशा प्रकारे नुकसान झालेल्या सर्वच शेतकऱ्यांना भरीव नुकसान भरपाई द्यावी, तालुक्यात ओला दुष्काळ जाहीर करावा, पीक विमा कंपन्यांच्या कार्यपध्दतीमध्ये सुधारणा घडवून आणावी, बँक कर्ज वसुलीला स्थगिती द्यावी,अशा मागण्या यावेळी करण्यात आल्या.

हेही वाचा- नाशिक : मातोश्री वारीत दोन नगरसेवकांच्या अनुपस्थितीने संभ्रम ; भाजपच्या पूनम धनगर शिवसेनेत

राज्य सरकारवर जोरदार टीका

आंदोलनात राष्ट्रवादी काँग्रेसचे नेते डाॅ. जयंत पवार, तालुकाध्यक्ष संदिप पवार, विजय दशपुते, काँग्रेसचे प्रसाद हिरे, शिवसेनेचे रामा मिस्तरी, राजाराम जाधव, प्रमोद शुक्ला आदी सहभागी झाले होते. यावेळी विविध वक्त्यांनी राज्यातील भाजप-शिंदे गटाच्या सरकारवर सडकून टीका केली. अतिवृष्टीमुळे शेतकरी घायकुतीला आला असला तरी या सरकारला शेतकऱ्यांच्या दु:खाशी काहीच देणे,घेणे नाही, सत्ता टिकविणे हेच या मंडळीचे एकमेव ध्येय आहे,असा आरोप यावेळी करण्यात आला.

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
जिल्हाधिकारी कार्यालयात तरुणाचा आत्मदहनाचा प्रयत्न; रुग्णवाहिकेच्या थकीत रकमेसाठी टोकाचे पाऊल

संबंधित बातम्या

“शरद पवारांनी दत्त उपासना करावी, ४८ तासांचा अल्टिमेटम देऊन…”, सीमाप्रश्नावरून महंतांचा सल्ला
भाजप म्हणतो, होय आम्ही तिकीटासाठी पैसे घेतले पण….
मतदार याद्यांतील घोळास महापालिकाच जबाबदार
भाजप नगरसेवकाला हत्येच्या गुन्ह्य़ात अटक
वाद मिटविण्याविषयी फडणवीसांना सांगितलेच नाही – एकनाथ खडसे यांचा दावा

व्हिडिओ

ताज्या बातम्या
सोलापुरात प्रहार संघटनेने कर्नाटक प्रवासी बसला फासले काळे; बसचालकाचा मात्र सत्कार
IND vs BAN 2nd ODI: दुसऱ्या एकदिवसीय सामन्यात सिराजचे आक्रमक रुप, जाऊन भिडला नजमुल शांतोशी, video व्हायरल
‘आरआरआर’, ‘केजीएफ’ नव्हे तर ‘या’ चित्रपटाला लोकांनी सर्वाधिक सर्च केलंय; गुगलने दिली माहिती
मुंबईचा कायापालट करा, मुख्यमंत्री एकनाथ शिंदेंचे अधिकाऱ्यांना निर्देश
हार्दिकशी लग्नगाठ बांधल्यानंतर अक्षया भावूक; लग्नाची तारीख कोरलेल्या नखांचा फोटो शेअर करत म्हणली…