नवी मुंबई : वटपौर्णिमा निमित्त बाजारात फणसाचा दरवळ

कच्चा फणसाची भाजी आणि विविध पदार्थ बनविले जात असल्याने कच्च्या फणसाला चांगली मागणी असते. एपीएमसीत फणसाची आवक ही राज्याबाहेरुनही मोठ्या प्रमाणात होत आहे,विशेषतः कर्नाटक आणि तमिळनाडू येथून मोठ्या प्रमाणात फणसाची आवक सुरू झाली आहे. तामिळनाडू येथून दाखल होणारे फणस हे आकाराने मोठे व चवीला गोड असल्याने याचे बाजारभाव जास्त आहेत. गुरुवारी बाजारात फणसाच्या एकुण ५० ते ६० गाड्या दाखल झाल्या असून प्रति किलोला १० ते २५ रुपये बाजारभाव सध्या आहे.