येत्या १ ऑक्टोबरपासून एमएमआरडीए क्षेत्रात रिक्षा प्रवासी भाडेवाढ होणार आहे. त्याच अनुषंगाने नवी मुंबई शहरात देखील दि. १ ऑक्टोबर, रविवार पासून प्रवासी रिक्षा भाडे वाढ होणार आहे. परिवहन कार्यालयाकडून नवीन दर लागू करण्यात आले असून त्यानुसार पहिल्या टप्याच्या प्रवासासाठी २१ ऐवजी आत्ता २३ रुपये मोजावे लागणार आहेत.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा- लवकरच नवी मुंबईकरांना मिळणार डबल डेकरची सफर ! एनएमटीच्या ताफ्यात १० विद्युत डबल डेकर बस दाखल

१ ऑक्टोबर पासून मीटरमध्ये बदल करण्याची प्रक्रिया देखील सुरू करण्यात येणार आहे. नवी मुंबईत १६ हजारांहून अधिक रिक्षा आहेत. इथे मीटर आणि सीट प्रमाणे रिक्षा चालवल्या जातात. ज्या प्रमाणे सीट वर प्रवाशी वाहतूक केली जाते त्याच प्रमाणे मीटरने रिक्षा प्रवास करणाऱ्यांची संख्या ही मोठी आहे. त्यामुळे आता मीटरने प्रवास करणाऱ्या प्रवाशांना आता २१ ऐवजी २३ रुपये द्यावे लागणार आहेत. यासाठी मीटरचे रिडींग बदलण्याचे काम ही १ ऑक्टोबर पासून सुरू करण्यात येणार आहे ,अशी माहिती परिवहन विभाग अधिकारी हेमांगी पाटील यांनी दिली आहे.

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Rickshaw travel will become expensive from sunday in navi mumbai dpj