सव्वा वर्षापूर्वी चॅटजीपीटीने आपल्या आयुष्यात पदार्पण केले. तंत्रज्ञानाची ही झेप अप्रतिम होती. भाषेतील बारकाव्यांची जाण, तऱ्हेतऱ्हेचे लेखन, माहितीचा खजिना आणि त्यातली योग्य माहिती निवडून माणसाशी सुसंगत संवाद साधण्याचे सामर्थ्य – चॅटजीपीटीच्या क्षमता अचंबित करणाऱ्या होत्या. त्याचा हा आवाका पाहून व्यापक कृत्रिम बुद्धिमत्तेची वाट पाहाणाऱ्यांच्या आशा पल्लवित झाल्या.

या बातमीसह सर्व प्रीमियम कंटेंट वाचण्यासाठी साइन-इन करा

पण तज्ज्ञांच्या मते तिथपर्यंत पोहोचण्यात चार-पाच मुख्य अडचणी आहेत. आइनस्टाइन या जगप्रसिद्ध शास्त्रज्ञाच्या मते बुद्धिमत्तेचे खरे लक्षण ज्ञान नसून कल्पनाशक्ती आहे. माणसाकडे अफाट कल्पनाशक्ती असते. काही नवे घडवायची सर्जनशीलता असते. ही सर्जनशीलता चित्र, शिल्प, वादन, नर्तन अशा कलांमधून प्रत्ययाला येते. या बाबतीत कृत्रिम बुद्धिमत्ता थोडी अनुकरण करणारी आहे. तिच्यात अजून उस्फूर्तपणे नवनिर्मिती करण्याची क्षमता आलेली नाही. एखादा माणूस कोणतेही शिक्षण न घेता उस्फूर्तपणे गाऊ शकतो. कृत्रिम बुद्धिमत्तेला मात्र ते शिकावे लागते.

मराठीतील सर्व नवनीत बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Kutuhal artificial intelligence amazing chatgpt technology zws
First published on: 22-02-2024 at 04:05 IST