कलाचा कलकलाट पुढल्यावर्षी थांबणार

महाराष्ट्रातील घराघरात रात्री आठच्या ठोक्याला न चुकता बघितली जाणारी लोकप्रिय मालिका ‘होणार सून मी ह्या घरची’ या वर्षाअखेर बंद होणार आहे. ही मालिका बंद होऊन दश्मी प्रॉडक्शनची नवी मालिका सुरु करण्यात येणार असल्याचे खात्रीलायक वृत्त आहे. ‘होणार सून मी ह्या घरची’ मालिकेच्या सूत्रांनी दिलेल्या माहितीनुसार, सदर मालिका या वर्षाअखेर किंवा नव्या वर्षाच्या सुरुवातीला सर्व प्रेक्षकांचा निरोप घेईल. न्हवी-श्रीच्या बाळाचे आगमन शेवटच्या भागांमध्ये प्रेक्षकांना पाहता येईल. गेले अडीच वर्ष चालत आलेल्या या मालिकेने मराठी कुटुंबातील प्रेक्षकांच्या मनावर अधिराज्य केले. जान्हवी आणि तिच्या सहा सासवांमुळे घराघरातील सासू-सुनेच्या नात्यात गोड बदल झाले. जान्हवीचा ‘काहीही हां श्री’ संवाद, तिचे बाळंतपण याविषयीचे भन्नाट विनोद सोशल मिडियावर बरेच गाजले. या मालिकेच्या वर्षपूर्तीला सेटवर सत्यानारायणाची पूजा घालण्यात आली होती. त्यावेळची काही क्षणचित्रे