दीपिकाच्या ‘xXx’ चित्रपटाच्या चित्रीकरणाचा शेवटचा दिवस..

बॉलीवूड अभिनेत्री दीपिका पदुकोण हिच्या पहिल्यावहिल्या हॉलीवूडपटाचे चित्रीकरण पूर्ण झाले असून, चित्रीकरणाच्या शेवटच्या दिवसाची सेटवरची छायाचित्रे सोशल मीडियावर शेअर केली आहेत. दीपिका 'xXx: Return of Xander Cage' या चित्रपटातून हॉलीवूडमध्ये पदार्पण करत आहे. चित्रीकरणाच्या शेवटच्या दिवशी दीपिकाकडून बाईक चालवण्याचा सीन शूट करुन घेण्यात आला. (छाया- ट्विटर)'xXx: Return of Xander Cage' चित्रपटाच्या चित्रीकरणाच्या शेवटच्या दिवशी दीपिका काळ्या रंगाच्या जॅकेटमध्ये दिसून आली. एका बायकरप्रमाणे दीपिकाला वेशभुषा देण्यात आली होती.अभिनेत्री दीपिका पदुकोण हिने फेब्रुवारी महिन्यापासून टोरान्टो येथे 'xXx: Return of Xander Cage' या आपल्या आगामी हॉलीवूडपटाच्या चित्रीकरणाला सुरूवात केली होती. दीपिकाने या चित्रपटासाठी अत्याधुनिक बनावटीच्या रायफल्स हाताळण्याचे प्रशिक्षण देखील घेतले आहे. 'xXx: Return of Xander Cage' या चित्रपटातून दीपिका हॉलीवूड स्टार विन डिझेलसोबत हॉलीवूडमध्ये पदार्पण करत आहे.दीपिकाच्या हॉलीवूड पदार्पणाच्या गेल्या काही महिन्यांपासून बॉलीवूडमध्ये जोरदार चर्चा आहे. तिचे चाहते तिची हॉलीवूडमधील एण्ट्री मोठ्या पडद्यावर पाहण्यासाठी उत्सुक आहेत. चित्रीकरणादरम्यान मार्शल आर्टीस्ट मायकेल बिस्पिंग यांच्यासोबत चर्चा करताना दीपिका. (छाया- ट्विटर)