दीपिकापासून पूजा बत्रापर्यंत, या सेलिब्रिटींचा पहिला ‘करवा चौथ’

1/6

पति-पत्नीच्या नात्याला आणखीन दृढ करण्यासाठी ज्याप्रमाणे वटपौर्णिमेचे महत्त्व असते, त्याचप्रमाणे उत्तर भारत आणि भारतातील इतर काही भागांमध्ये करवा चौथ साजरा केला जातो. कार्तिक महिन्याच्या कृष्णपक्षातील चतुर्थीचा दिवस महिलांच्या दृष्टीने अत्यंत महत्त्वाचा असतो. या दिवशी संपूर्ण दिवस निर्जळी उपवास करुन रात्री चंद्रदर्शन केल्यानंतर हा उपवास सोडला जातो. पुराणांनुसार चंद्राला अर्घ्य दिल्यानंतरच हा उपवास सोडावयाचा असतो. असा हा करवा चौथचा उपवास सेलिब्रिटींच्या दृष्टीनेही महत्त्वाचा आहे.

2/6

गेल्या वर्षी झालेल्या विवाहसोहळ्यांमध्ये सर्वात जास्त चर्चेचा होता तो अभिनेत्री दीपिका पदुकोण आणि रणवीर सिंगचा विवाहसोहळा. या जोडीचे हे पहिलेच करवा चौथ आहे.

3/6

या जोडप्याचे लग्न मीडियाच्या नजरेपासून लांब इटलीत पार पडले. कोकणी व सिंधी पारंपरिक पद्धतीने हा विवाहसोहळा संपन्न झाला.

4/6

काही प्रसिद्ध कलाकार जोडप्यांचे हे पहिले करवा चौथ आहे. त्यापैकीच एक गाजलेली जोडी म्हणजे प्रियांका चोप्रा आणि निक जोनास. प्रियांका-निकने राजस्थानी संस्कृतीनुसार लग्न केले. जयपूरमधील उमेद भवन पॅलेसमध्ये थाटामाटात लग्नसोहळा पार पडला.

5/6

आपल्या विनोदबुद्धीने प्रेक्षकांना खळखळून हसवणाऱ्या कपिल शर्माची पत्नी गिन्नी छत्रथचाही पहिला करवा चौथ आहे. १२ डिसेंबर २०१८ रोजी ही जोडी विवाहबंधनात अडकली होती. हे जोडपे लवकरच आई-बाबा होणार आहे.