मराठी चित्रपटसृष्टीतील ग्लॅमरस आणि बोल्ड अभिनेत्री अभिनेत्री सई ताम्हणकरचा आज वाढदिवस आहे. २५ जून १९८६ रोजी सांगलीत सईचा जन्म झाला. 
मुळची सांगलीची असलेल्या सईचा मराठी आणि हिंदी चित्रपटसृष्टीतील प्रवास सोपा नव्हता. मालिकांमध्ये छोट्या भूमिका साकारण्यापासून सईने तिच्या अभिनय कारकिर्दीला सुरुवात केली. 
'या गोजिरवाण्या घरात' मालिकेने सईने टेलिव्हिजन क्षेत्रात पदार्पण केलं. 'अनुबंध', 'अग्निशिखा', 'तुझं माझं जमेना', 'साथी रे' या मालिकांमध्येही तिने काम केलं आहे. 
'सनई चौघडे' या चित्रपटाने सईचे आयुष्य बदलले. या चित्रपटाने तिला मराठी चित्रपटसृष्टीत नाव मिळवून दिले. 
मराठीतील बोल्ड अभिनेत्री म्हणून सई प्रसिद्ध आहे. 'नो एण्ट्री पुढे धोका आहे' चित्रपटातील बिकिनी सीनमुळे सई बरीच चर्चेत आली होती. 
स्वप्निल जोशीसोबतची सईची जोडी चाहत्यांना फारच आवडली. या जोडीने एकत्र तीनच चित्रपट केले आहेत. पण, त्यांच्यातील केमस्ट्रिने चाहत्यांची मनं जिंकण्यात यश मिळवलं. 
'हंटर'मध्ये मुख्य अभिनेत्रीच्या भूमिकेत झळकण्यापूर्वी सईने आमिरच्या 'गजनी' या चित्रपटात छोटीशी भूमिका साकारली होती. 
'दुनियादारी', 'सौ. शशी देवधर', 'बालक पालक', 'टाइम प्लीज', 'तू ही रे', 'वजनदार', 'वायझेड', 'क्लासमेट्स', 'धुरळा' यांसारख्या अनेक चित्रपटांतून सईने तिच्या अभिनयाचा ठसा उमटवला. 
सई ताम्हणकरला टॅटूची फार आवड आहे. तिने तिच्या खांद्यावर रोमन लिपीत दोन तारखा गोंदल्या आहेत. 
मराठी चित्रपटसृष्टीतील हरहुन्नरी अभिनेत्रीला वाढदिवसाच्या हार्दिक शुभेच्छा (सर्व छायाचित्र सौजन्य : इन्स्टाग्राम/ सई)
सही रे सई! बोल्ड आणि तितकीच सोज्वळ
Web Title: Sai tamhankar birthday special interesting facts about marathi diva ssv
