Photos: …अन् ४ वर्षांनी मोठ्या आणि घटस्फोटीत असलेल्या रमा यांच्यासोबत राजामौलींनी केलं लग्न

दाक्षिणात्य दिग्दर्शक एसएस राजामौली हे चित्रपट विश्वातील एक मोठे नाव बनले आहे. बाहुबली आणि RRR सारखे ब्लॉकबस्टर चित्रपट बनवणारे राजामौली देशातील सर्वात महागडे दिग्दर्शक आहेत. सुपरहिट चित्रपट बनवणाऱ्या राजामौली यांचे वैयक्तिक आयुष्यही एखाद्या चित्रपटाच्या कथेप्रमाणेच आहे. जाणून घेऊया त्यांच्याबद्दल... राजामौली यांच्या पत्नीचे नाव रमा आहे. रमा या व्यवसायाने कॉस्च्युम डिझायनर आहे. रमा यांनी राजामौलींच्या बाहुबली आणि नुकत्याच आलेल्या RRR सारख्या चित्रपटांसाठी कॉस्च्युम डिझाइन केले आहेत. रमा आणि राजामौली यांनी २००१ मध्ये कोर्टात लग्न केले होते. रमा या राजामौली यांच्यापेक्षा चार वर्षांनी मोठ्या असून राजामौली हे रमा यांचे दुसरे पती आहेत. रमा यांचा २००० मध्ये पहिल्या पतीसोबत घटस्फोट झाला. रमाच्या घटस्फोटानंतर दोघांनी लग्न केलं. लग्नानंतर रमा आणि राजामौली यांनी मुल होऊ दिलं नाही. रमा आणि राजामौली आधीपासून चांगले मित्र होते. पहिल्या लग्नापासून रमा यांना एसएस कार्तिकेय नावाचा मुलगा आहे. राजामौली यांनी त्यांचे नाव कार्तिकेयला दिले आहे. एसएस राजामौली आणि रमा यांनी एक मुलगी दत्तक घेतली आहे. एसएस मयुखी असे मुलीचे नाव आहे. राजामौली यांच्या चित्रपटांचे संगीत दिग्दर्शक एमएम किरवाणी हे रमाचे मेहुणे आहेत. त्यांचं लग्न रमाची बहीण श्रीवल्ली हिच्याशी झालं. दरम्यान, सध्या सोशल मीडियावर दिग्दर्शक एस एस राजामौली यांच्या ‘RRR’ चित्रपटाची बरीच चर्चा होताना दिसत आहे. हा चित्रपट बॉक्स ऑफिसवरही चांगली कमाई करताना दिसत आहे. या चित्रपटात ज्युनिअर एनटीआर, रामचरण यांच्यासोबत बॉलिवूड अभिनेत्री आलिया भट्टची देखील मुख्य भूमिका आहे. (फोटो फेसबुक आणि इंडियन एक्सप्रेसवरून साभार)