“आमिर खानसोबतचा तो किसिंग सीन करताना…”, करिश्मा कपूरने सांगितला किस्सा

‘राजा हिंदुस्तानी’ हा चित्रपट आतापर्यंतच्या सर्वाधिक लोकप्रिय चित्रपटांपैकी एक म्हणून ओळखला जातो. जबरदस्त गाणी, अफलातून अभिनय आणि शेवटपर्यंत खिळवून ठेवणारी पटकथा यामुळे हा चित्रपट सुपरहिट झाला होता. १९९६ साली प्रदर्शित झालेल्या या चित्रपटाला तब्बल २५ वर्ष पूर्ण झाली आहेत. ‘राजा हिंदुस्तानी’ हा चित्रपट आमिर खान आणि करिश्मा कपूरच्या एका किसिंग सीनमुळे वादाच्या भोवऱ्यातही अडकला होता. हा सीन आजही बॉलिवूडमधील सर्वात मोठ्या किंसिंग सीनपैकी एक म्हणून ओळखला जातो. या सीनची शूटींग ३ दिवस सुरु होती. याच किसिंग सीनमुळे अभिनेत्री जुही चावला, पूजा भट्ट आणि ऐश्वर्या राय यांनी ‘राजा हिंदुस्तानी’ या चित्रपटाची ऑफर नाकारली होती. त्यानंतर या चित्रपटासाठी करिश्मा कपूरला कास्ट करण्यात आले. या चित्रपटातील किसिंग सीन करताना करिश्मा आणि आमिरला अनेक अडचणींचा सामना करावा लागला होता. नुकतंच राजीव मसंद यांच्या शोमध्ये बोलताना करिश्माने याबाबतचा खुलासा केला होता. यावेळी ती म्हणाली, "राजा हिंदुस्तानी’ या चित्रपटातील हा किसिंग सीन करिश्मा कपूरसाठी खूप 'थकवणारा' होता." "मी हा किसिंग सीन अतिशय कठीण परिस्थितीत शूट केला आहे. अनेकजण आजही त्या किसिंग सीनबद्दल बोलताना तो किसिंग सीन असं उलटसुलट बोलतात." असे करिश्मा कपूर म्हणाली. "पण आम्हाला माहिती आहे की ३ दिवस सुरु असलेल्या या किसिंग सीनच्या शूटदरम्यान आम्हाला फार कष्ट करावे लागले", असेही तिने म्हटले. "फेब्रुवारीमध्ये आम्ही उटीमध्ये शूटिंग करत होतो आणि त्यावेळी हा किसिंग सीन कधी संपतोय, असा प्रश्न आम्हाला पडला होता", असेही करिश्माने सांगितले. त्यापुढे ती म्हणाली, "कडाक्याच्या थंडीमुळे तो सीन शूट करणं खूप अवघड झालं होतं. त्यावेळी तिथे हाडे गोठावणारी थंडी पडली होती. थंड वारे वाहत होते. पाणीही फार थंड होते." "या अशा परिस्थितीत आम्ही सकाळी ७ ते संध्याकाळी ६ या वेळेत शूटिंग करायचो. या चित्रपटाच्या शूटींगदरम्यान अनेकदा आम्ही थंडीमुळे थरथर कापायचो", असे तिने म्हटले. ‘राजा हिंदुस्तानी’ हा बॉलिवूडमधील एक सुपरहिट चित्रपट आहे. या चित्रपटात आमिर खान, करिश्मा कपूर, सुरेश ओबेरॉय, अर्चना पुरन सिंह, जॉनी लिव्हर यांसारखे अनेक कलाकार झळकले होते. धर्मेश दर्शन यांनी या चित्रपटाचं दिग्दर्शन केलं होतं. २५ वर्षांपूर्वी या चित्रपटाने तब्बल ३०० कोटी रुपयांची कमाई केली होती.