“मी चित्रपटसृष्टीत पदार्पण केल्यापासून…”, नरगिस फाखरीने सांगितले सिनेसृष्टीतून ब्रेक घेण्यामागचे कारण

अभिनेत्री नरगिस फाखरी हिने रणबीर कपूरच्या 'रॉकस्टार' या चित्रपटातून बॉलिवूडमध्ये पदार्पण केले. नरगिस फाखरीचे सोशल मीडियावर लाखो चाहते आहेत. त्यानंतर ती 'हाऊसफूल ३', 'अजहर', 'मै तेरा हिरो', 'बँजो' यासारख्या अनेक चित्रपटातही झळकली होती. नरगिसही आजही लोकप्रिय अभिनेत्रींपैकी एक आहे. विविध भूमिका साकारत चित्रपटात झळकलेली नरगिस आता मात्र सिनेसृष्टीतून गायब झाली आहे. हिंदी सिनेसृष्टीत स्वत:ची एक वेगळी ओळख बनवल्यानंतर तिने अभिनयातून ब्रेक घेण्याचा निर्णय घेतला. नुकतंच 'पिंकविला'ला दिलेल्या मुलाखतीत तिने अभिनयातून ब्रेक घेण्याबद्दलचे कारण सांगितले आहे. त्यावर ती म्हणाली, "मी चित्रपटसृष्टीत पदार्पण केल्यापासून एकही दिवस मला सुट्टी मिळाली नाही. त्यामुळेच मला हा ब्रेक घ्यावा लागला." "माझ्यासाठी माझे मित्र आणि कुटुंब हे २४ तासांच्या विमान प्रवासासारखे आहेत. ज्यांनी मी कामासोबत हाताळू शकत नाही", असेही तिने सांगितले. "त्यामुळे मी विचार केला की एवढे कष्ट करुन काय उपयोग, जर याचे योग्य फळ मिळत नसेल तर असा विचार मी माझ्या मनाशी केला", असे नरगिसने म्हटले. त्यापुढे ती पुढे म्हणाली, "मी जेव्हा सिनेसृष्टीत नवीन होती त्यावेळी अनेकांनी मला इशारा दिला होता की जर मी चित्रपटातून ब्रेक घेतला तर मी सिनेसृष्टीतून गायब होईन." "पण तरीही मी सिनेसृष्टीतून ब्रेक घेतला. त्यामुळे मला या गोष्टीचा आनंद आहे की अशाप्रकारच्या उंदराच्या शर्यतीत मला स्वत:ला उतरावे लागले नाही." दरम्यान नरगिस फाखरी ही लवकरच पुन्हा एकदा सिनेसृष्टीत परतण्यासाठी सज्ज झाली आहे. काही दिवसांपूर्वी ७५ व्या 'कान्स फिल्म फेस्टिवल'मध्ये रॅम्पवॉक करताना दिसली होती. (सर्व फोटो - नरगिस फाखरी/ इन्स्टाग्राम)