PHOTOS : ‘पुष्पा’ ते RRR, हे आहेत साऊथचे आठ महागडे चित्रपट; बजेट ऐकलं तर आवाक व्हाल!

Most Expensive South Movies : गेल्या काही काळापासून साऊथ फिल्म इंडस्ट्री चर्चेत आहे. मागील काही दिवसांमध्ये दक्षिण भारतीय चित्रपटांनी ज्या प्रकारचा व्यवसाय केला आहे, त्यामुळे सर्वांनाच आश्चर्याचा धक्का बसला आहे. साऊथचे सर्वात महागडे चित्रपट पाहूया. सुपरस्टार रजनीकांत आणि अक्षय कुमार यांच्या ‘2.0 ’ या चित्रपटाचं बजेट ६०० कोटी होतं. दाक्षिणात्य सुपरस्टार प्रभासची प्रमुख भूमिका असेलला आणि हिंदी चित्रपटसृष्टीतील अभिनेता सैफ अलीखान याची देखील भूमिका असलेला ‘आदिपुरुष’ या चित्रपटाचं बजेट ५०० कोटी होतं. मणिरत्नम दिग्दर्शित ‘पोन्नियन सेलवन’ या चित्रपटाचं बजेट ५०० कोटी होतं. यामध्ये ऐश्वर्या रॉयने भूमिका साकरली आहे. दाक्षिणात्य अभिनेता राम चरण आणि ज्युनियर एनटीआरच्या ‘आरआरआर’ चित्रपटाचं बजेट ४५० कोटी रुपये होतं. अभिनेता प्रभासची प्रमुख भूमिका असलेला ‘साहो’ ३५० कोटी रुपयांच्या बजेटमध्ये बनवला होता. बाहुबली 2 या गाजलेल्या चित्रपटाच बजट २५० कोटी रुपये होतं. दाक्षिणात्य सुपरस्टार अल्लू अर्जुनचा ‘पुष्पा’ चित्रपटचं बजेट २०० कोटी होतं. हा चित्रपट प्रचंड गाजला. सुपरस्टार रजनीकांत आणि ऐश्वर्या रॉय यांचा अभिनय असलेल्या रोबोट चित्रपटाचं बजेट १३२ कोटी रुपये होतं. (सर्व फोटो- सोशल मीडिया)