Photos: ‘आनंदी गोपाळ’ चित्रपटातील अभिनेत्रीच्या नव्या फोटोंनी वेधले नेटकऱ्यांचे लक्ष

भारतातील पहिल्या महिला डॉक्टर आनंदीबाई जोशी यांच्या प्रेरणादायी जीवनसंघर्षचा प्रवास 'आनंदी गोपाळ' या चित्रपटाच्या माध्यमातून रुपेरी पडद्यावर उलगडला. या चित्रपटात अभिनेत्री भाग्यश्री मिलिंदने 'आनंदीबाईं'ची भूमिका साकारली होती. भाग्यश्रीने साकारलेल्या या भूमिकेचे प्रंचड कौतुक झाले होते. २०१३ साली प्रदर्शित झालेल्या 'बालक-पालक' चित्रपटात भाग्यश्री प्रमुख भूमिकेत होती. भाग्यश्रीने पुष्कर श्रोत्री दिग्दर्शित 'उबुंटू' या चित्रपटात देखील काम केले आहे. भाग्यश्री सोशल मीडियावर सक्रिय असून फोटो आणि व्हिडीओ शेअर करत ती चाहत्यांच्या संपर्कात राहते. नुकतेच केलेल्या फोटोशूटमुळे भाग्यश्री इन्स्टाग्रामवर चर्चेत आहे. या फोटोंमध्ये भाग्यश्रीने पांढऱ्या साडीवर लाल रंगाचे ब्लाउज परिधान केले आहे. निसर्गाच्या सानिध्यात भाग्यश्रीने हे खास फोटोशूट केले आहे. पांढऱ्या साडीत खुलले भाग्यश्रीचे सौंदर्य... या फोटोशूटसाठी भाग्यश्रीने हलकासा मेकअप केला आहे. प्रत्येक फोटोसाठी भाग्यश्रीने खास पोझ दिली आहे. भाग्यश्रीच्या या फोटोंवर नेटकऱ्यांकडून कमेंट्सचा वर्षाव होत आहे. (सर्व फोटो सौजन्य : भाग्यश्री मिलिंद / इन्स्टाग्राम) (हेही पाहा : ‘माझी तुझी रेशीमगाठ’ मालिकेतील ‘शेफाली’चे साडीतील हटके फोटोशूट चर्चेत)