Photos : बीच, रोमान्स आणि थायलंड, कार्तिकी गायकवाडच्या ट्रीपची सर्वत्र चर्चा

गायिका कार्तिकी गायकवाड‘सारेगमप लिटिल चॅम्प’ या कार्यक्रमामुळे प्रसिद्धीच्या झोतात आली. डिसेंबर २०२०मध्ये कार्तिकीचा विवाहसोहळा थाटामाटात पार पडला. कार्तिकीने व्यावसायिक रोनित पिसेशी लग्नगाठ बांधत चाहत्यांना सुखद धक्काच दिला होता. कार्तिकी गायकवाड सोशल मीडियावर नेहमीच सक्रिय असते आणि आपल्या कामाचे अपडेट चाहत्यांसोबत शेअर करताना दिसते. याशिवाय कार्तिकी अनेकदा पती रोनित पिसे सोबतचे फोटो देखील तिच्या इन्स्टाग्रामवर शेअर करताना दिसते. आता देखील तिने आपल्या नवऱ्यासोबतचे काही खास फोटो इन्स्टाग्राम अकाऊंटद्वारे शेअर केले आहेत. सध्या कार्तिकी-रोनित थायलंडमध्ये सुट्टी एण्जॉय करताना दिसत आहेत. आपल्या थायलंड ट्रीपचे आणखी काही फोटो कार्तिकीने इन्स्टाग्रामवर शेअर केले आहेत. या फोटोंमध्ये कार्तिकी आणि तिचा पती रोनित यांनी प्राणी संग्रहालयाला भेट दिल्याचं दिसत आहे. कार्तिकीने खऱ्या खुऱ्या वाघासोबत पोझ दिलेले काही फोटो तिच्या इन्स्टाग्रामवर शेअर केले आहेत. कार्तिकी गायकवाडच्या इन्स्टाग्राम फोटोंची सध्या सोशल मीडियावर जोरदार चर्चा आहे. या फोटोंमधील कार्तिकीचा स्टायलिश, ग्लॅमरस आणि ब्यूटिफूल अवतार चाहत्यांच्या चांगलाच पसंतीस पडला आहे. या ट्रीपच्या वेळीचा तिचा वेस्टर्न लूक खूप व्हायरल होताना दिसत आहे. कार्तिकी आणि रोनितने थायलंडच्या समुद्रकिनारी खास पोझ देत फोटोशूट केलं आहे. समुद्रकिनारी पती रोनितबरोबरचा तिचा रोमँटिक फोटो विशेष लक्षवेधी ठरत आहे. एकूणच कार्तिकी गायकवाड आणि रोनित पिसे यांची थायलंड ट्रीप सोशल मीडियावर चर्चेत आहे. सर्व फोटो- कार्तिकी गायकवाड इन्स्टाग्राम (आणखी पाहा- Photos : ‘एका लग्नाची दुसरी गोष्ट’, सोनाली कुलकर्णी-कुणाल बेनोडेकर यांच्या लंडनमधील विवाहसोहळ्याचे खास फोटो)