Photos: सुयश टिळकची पत्नी रशियन अभिनेत्यासह म्युझिक व्हिडीओत; मराठीतील हटके गाण्याची सोशल मीडियावर चर्चा

मराठी कलाविश्वातील लोकप्रिय जोडी अभिनेता सुयश टिळक आणि आयुषी भावे सध्या सोशल मीडियावर चर्चेत आहे. सुयश टिळकची पत्नी आयुषी टिळक पहिल्यांदाच 'पोर ब्युटिफुल' या म्युझिक व्हिडीओमधून प्रेक्षकांचा भेटीला आली आहे. आयुषीचा 'पोर ब्युटिफुल' हा म्युझिक व्हिडीओ युट्यूबद्वारे लाँच करण्यात आला. सिग्नेचर ट्युन्सनं एबी एंटरटेन्मेंटच्या सहकार्यानं निर्मिती केलेल्या या म्युझिक व्हिडीओमध्ये स्टीफन ब्लाझेंको हा रशियन अभिनेताही पहिल्यांदाच मराठी म्युझिक व्हिडीओमध्ये काम केले आहे. स्टीफन ब्लाझेंको हा रशियन अभिनेता पहिल्यांदाच मराठी म्युझिक व्हिडीओमध्ये दिसणार आहे. आतापर्यंत अनेक परदेशी कलाकार म्युझिकव्हिडीओमध्ये दिसले असले, तरी रशियन अभिनेता पहिल्यांदाच मराठी म्युझिक व्हिडीओमध्ये दिसणार आहे. श्रेयश राज आंगणे यांनी या म्युझिक व्हिडिओचं गीत लेखन, गायन आणि संगीत दिग्दर्शन केलं आहे, तर अमित बाईंग यांनी नृत्य दिग्दर्शन आणि म्युझिक व्हिडीओचं दिग्दर्शन केलं आहे. 'तुला बघून म्हणतोय आईना, पोर ब्युटिफुल हाय ना...' असे हलकेफुलके शब्द आणि उडती चाल यामुळे हे गाणं नक्कीच संगीतप्रेमींना आवडेल. या गाण्याचं छायांकन हरेश सावंत यांनी सांभाळले असून अन्य तांत्रिक बाजूही उत्तम असल्यानं गाणं प्रेक्षणीय झालं आहे. वसईच्या निसर्गरम्य परिसरात या गाण्याचं चित्रीकरण करण्यात आलं आहे. (सर्व फोटो सौजन्य : आयुषी भावे टिळक / इन्स्टाग्राम) (हेही पाहा : ‘एका लग्नाची दुसरी गोष्ट’, सोनाली कुलकर्णी-कुणाल बेनोडेकर यांच्या लंडनमधील विवाहसोहळ्याचे खास फोटो)