दाक्षिणात्य साडीत खुललं मराठमोळं सौंदर्य, ‘सुख म्हणजे नक्की काय असतं’ फेम गौरीचा मनमोहक अंदाज!

अभिनेत्री गिरीजा प्रभू 'सुख म्हणजे नक्की काय असतं' या मालिकेतून घराघरात पोहोचली आहे. फक्त सोशल मीडियावरच नाही तर महाराष्ट्रातील घराघरात तिचे चाहते आहेत. या मालिकेत गिरीजाने साकारलेली 'गौरी' ही भूमिका बरीच गाजताना दिसतेय. अभिनेत्री गिरीजा प्रभू सोशल मीडियावर नेहमीच सक्रिय असते. अनेकदा गिरीजा तिचे सुंदर आणि ग्लॅमरस फोटो इन्स्टाग्रामवर शेअर करताना दिसते. आताही तिने काही सुंदर फोटो तिच्या अधिकृत इन्स्टाग्राम अकाउंटवरून शेअर केले आहेत. इन्स्टाग्रामवर शेअर केलेल्या या फोटोंमध्ये गिरीजा म्हणजेच गौरीचा फारच मनमोहक अंदाज पाहायला मिळत आहे. दाक्षिणात्य पद्धतीच्या साडीत गिरिजाचं मराठमोळं सौंदर्य अगदी खुलून दिसत आहे. सध्या सोशल मीडियावर गिरीजा प्रभूच्या या फोटोशूटची बरीच चर्चा होताना दिसत आहे. या फोटोमंधील तिच्या चेहऱ्यावरील हास्य आणि निरागस भाव चाहत्यांना भूरळ पाडत आहेत. तिच्या या फोटोंवर चाहत्यांच्या कमेंट्स आणि लाइक्सचा अक्षरशः पाऊस पडला आहे. 'सुख म्हणजे नक्की काय असतं' मालिकेतून प्रेक्षकांच्या मनावर राज्य करणाऱ्या या गौरीच्या लूकवर चाहते घायाळ झाले आहेत. अनेकांनी गिरीजाच्या या फोटोंवर कमेंट करत तिचं कौतुक केलं आहे. (फोटो साभार- गिरीजा प्रभू, संकेत फणसेकर फोटोग्राफी इन्स्टाग्राम पेज) (आणखी पाहा- Photos : कपाळावर चंद्रकोर, नाकात नथ अन् केसांत माळली फुलं… ‘ठिपक्यांची रांगोळी’मधील अप्पूचा साडीतील घायाळ करणारा लूक)