Photos : राजघराण्याशी संबंध असणाऱ्या अभिनेत्री अदिती राव हैदरीचे ग्लॅमरस फोटो चांगलेच चर्चेत

अभिनेत्री अदिती राव हैदरीचा जन्म २८ ऑक्टोबर १९८६ मध्ये हैदराबादच्या राजघराण्यात झाला. तिचे पणजोबा अकबर हैदरी हे १९४१ पर्यंत हैदराबादचे प्रधानमंत्री होते. अदिती उत्तम अभिनेत्री आहेच याबरोबरच ती उत्तम प्रशिक्षित भरतनाट्यम नृत्यांगनादेखील आहे. ती प्रसिद्ध नृत्यांगना लीला सॅमसन यांची शिष्या आहे. 'दिल्ली ६' या हिंदी चित्रपटातून तिने बॉलिवूडमध्ये पदार्पण केलं. तिचा सोज्वळ चेहेरा आणि निरागस डोळे यांचं प्रचंड कौतुक झालं. नुकतंच तिने तिच्या सोशल मीडिया अकाऊंटवर राजेशाही वेशभूषा परिधान केलेले काही ग्लॅमरस फोटो शेअर केले आहेत. यामध्ये ती खूप सुंदर दिसत असून तो राजेशाही थाट तिला शोभत आहे असं तिच्या चाहत्यांनी कॉमेंटमध्ये सांगितलं आहे. अदितीचे वैयक्तिक आयुष्य फारच गोपनीय होते, त्याबद्दल फारशी कुणाला काहीच माहिती नाही. २००९ मध्ये तिने सत्यदिप मिश्रा या अभिनेत्याशी लग्नं केलं. पण काहीच वर्षांनी २०१३ मध्ये ते दोघे वेगळे झाले. आदितीने दिलेल्या चित्रपटांमध्ये ‘रॉकस्टार’, ‘मर्डर 3’, ‘फितूर’, 'वजीर' आणि ‘पद्मावत’ यांचा समावेश आहे. हिंदी तसेच दाक्षिणात्य चित्रपटसृष्टीवरसुद्धा अदितीने तिच्या अभिनयाने छाप पाडली आहे. (फोटो सौजन्य : इन्स्टाग्राम)