Photos: ‘प्रवाह पिक्चर पुरस्कार सोहळा २०२२’, रेड कार्पेटवर मराठी चित्रपटसृष्टीतील दिग्गज कलाकारांचा ग्लॅमरस अंदाज

Pravah Picture Awards 2022: डिस्ने स्टार नेटवर्कची प्रवाह पिक्चर ही मराठी चित्रपटांची वाहिनी अल्पावधीतच लोकप्रिय ठरली आहे. दर्जेदार मराठी सिनेमांची मेजवानी सादर करत असतानाच प्रवाह पिक्चर वाहिनी भेटीला घेऊन येणार आहे प्रवाह पिक्चर पुरस्कार २०२२. मराठी कलाविश्वातील दिग्गजांच्या उपस्थितीत नुकताच प्रवाह पिक्चर पुरस्कार सोहळा २०२२ पार पडला. या सोहळ्यासाठी मराठी चित्रपटसृष्टीतील दिग्गजांनी हजेरी लावली. प्रवाह पिक्चर पुरस्कारांचं हे पहिलंच वर्ष होतं. मराठी सिनेमे, त्यातील कलाकार, तंत्रज्ञ मंडळी यांच्या चमकदार कामगिरीची दखल घेणारा हा सोहळा लवकरच प्रवाह पिक्चर वाहिनीवर पाहायला मिळणार आहे. प्रवाह पिक्चर पुरस्कार सोहळ्यात सर्वोत्कृष्ट चित्रपट, सर्वोत्कृष्ट दिग्दर्शक, सर्वोत्कृष्ट अभिनेता - अभिनेत्री, सर्वोत्कृष्ट सहाय्यक अभिनेता- अभिनेत्री, सर्वोत्कृष्ट संगीत दिग्दर्शक, सर्वोत्कृष्ट गायक-गायिका, सर्वोत्कृष्ट गीतकार, सर्वोत्कृष्ट छायाचित्रण, सर्वोत्कृष्ट कथा, सर्वोत्कृष्ट पटकथा, सर्वोत्कृष्ट संवाद, सर्वोत्कृष्ट छायाचित्रण हे पुरस्कार जाहीर करण्यात आले. याशिवाय तंत्रज्ञ, नृत्य, दिग्दर्शन, वेशभूषा, रंगभूषा, बालकलाकार, विनोदी कलाकार, सर्वोत्कृष्ट खलनायक आणि प्रवाह पिक्चर विशेष पुरस्कार ही देण्यात आले. या पुरस्कार सोहळ्याच्या परीक्षणाची जबाबदारी पार पाडली आहे सुप्रसिद्ध अभिनेत्री रेणुका शहाणे, प्रसिद्ध लेखक-दिग्दर्शक किरण यज्ञोपोवित, ज्येष्ठ अभिनेत्री वंदना गुप्ते, ज्येष्ठ छायाचित्रकार महेश आणे, ज्येष्ठ पत्रकार-लेखक श्रीकांत बोजेवार. या सोहळ्यामध्ये अभिनेता प्रसाद ओकला 'धर्मवीर मुक्काम पोस्ट ठाणे' या सिनेमासाठी 'सर्वात्कृष्ट अभिनेता' हा पुरस्कार मिळाला आहे. प्रवाह पिक्चर वाहिनीवर लवकरच 'प्रवाह पिक्चर पुरस्कार सोहळा' पाहायला मिळणार आहे. विशेष म्हणजे दर रविवारी नव्या सिनेमाचा वर्ल्ड टेलिव्हिजन प्रीमियर प्रवाह पिक्चर ही वाहिनी करत आहे. मराठी चित्रपट वाहिनीत असा प्रयोग पहिल्यांदाच होत आहे. (सर्व फोटो सौजन्य : प्रवाह पिक्चर / इन्स्टाग्राम) (हेही पाहा : ‘महाराष्ट्राची हास्यजत्रा’ फेम ओंकार भोजनेला बिग बजेट मराठी चित्रपटाची ऑफर; पहिल्यांदाच दिसणार मुख्य भूमिकेत)