‘मन उडू उडू झालं’मालिकेतील अभिनेत्रीची थायलंड सफर, नवऱ्यासह घेते स्कूबा डायव्हिंगचा आनंद

झी मराठी वाहिनीवरील ‘मन उडू उडू झालं’ या मालिकेने प्रेक्षकांचा निरोप घेतला असला तरी त्याची लोकप्रियता जराही कमी झालेली नाही. या मालिकेत अभिनेत्री शर्वरी कुलकर्णी हिने दीपूच्या बहिणीची भूमिका साकारली होती. सध्या अभिनेत्री शर्वरी कुलकर्णी ही तिच्या पतीसह थायलंडला सुट्ट्या एन्जॉय करताना दिसत आहे. शर्वरी ही थायलंडमध्ये फुकेट या निसर्गरम्य ठिकाणी सुट्ट्यांचा आनंद घेताना पाहायला मिळत आहे. त्या दोघांनी फी फी बीचवर स्कूबा डायव्हिंगचा मजेशीर आनंदही घेतला. याचे काही निवडक फोटो तिने सोशल मीडियावर शेअर केले आहेत. थायलंडमधील शर्वरीचा कुल अंदाज प्रेक्षकांना फार आवडल्याचे दिसत आहे. हे फोटो शेअर करत 'शेड्स ऑफ फुकेट' असं कॅप्शन या फोटोंना दिले आहे. शर्वरीनं वैभव बोरकरबरोबर २०२१ मध्ये लग्न केलं. कोकणातील निसर्गरम्य ठिकाणी दोघांनी लग्नगाठ बांधली.