Photos: ..तेव्हा रेखा कुंकू लावून जया बच्चन यांच्यासमोर हात जोडून उभ्या राहिल्या, पाहा खास किस्सा

जेव्हा बॉलिवूडमध्ये स्टाईलच्या गप्पा रंगतात तेव्हा रेखा यांचं नाव ओघाने येतंच. आज ६९ व्या वर्षात पदार्पण करताना अजूनही रेखा यांचे सौंदर्य चिरतरुण आहे. भानुरेखा गणेशन हे रेखा यांचे मूळ नाव, कमी वयातच त्यांनी मनोरंजन सृष्टीत आपली छाप पाडली होती. अभिनेता जेमिनी गणेशन व पुष्पावल्ली यांची रेखा यांनी तेलुगु चित्रपट इंति गुट्टू (1958), रंगुला रत्नम (1966) मधून बाल कलाकार म्हणून पदार्पण केले होते, आजवर रेखा यांनी १०० हुन अधिक चित्रपटात काम केले आहे. रेखा या नेहमीच आपल्या भन्नाट लुकमुळे चर्चेत राहिल्या. नवनवीन प्रयोग करण्यास त्या कधीच घाबरल्या नाहीत. त्यांचा पारंपरिक ते मॉडर्न असे दोन्ही अंदाज चाहत्यांच्या पसंतीस उतरले आहेत ७० व ८० च्या दशकात रेखा यांचे नाव अमिताभ बच्चन यांच्याशी जोडले गेले होते. ही न घडलेली प्रेमकहाणी आजही प्रसिद्ध आहे. ऋषी कपूर व नीतू कपूर यांच्या लग्नात गेलेल्या रेखा या गळ्यात मंगळसूत्र व कुंकू लावून दिसल्या होत्या. हिंदुस्थान टाइम्सला रेखा यांनी सांगितल्याप्रमाणे, तेव्हा त्या शूटिंगवरून थेट आल्या होत्या व मंगळसूत्र व कुंकू काढायला विसरल्या होत्या. आपल्यावर कुंकू सुंदर दिसते त्यामुळे बाकी लोक काय म्हणतात याची आपल्याला पर्वा नाही असेही रेखा म्हणाल्या होत्या. रेखा: द अनटोल्ड स्टोरी या पुस्तकातही त्यांनी हा प्रसंग सांगितला आहे. याच कार्यक्रमात रेखा जया बच्चन व अमिताभ यांची लेक श्वेता यांच्यासमोर हात जोडून उभ्या राहिल्या होत्या. या फोटोने त्यावेळेस अनेकांचे लक्ष वेधले होते. १९८२ च्या राष्ट्रीय चित्रपट पुरस्कार सोहळ्यात रेखा यांना सर्वोत्कृष्ट अभिनेत्री पुरस्काराने गौरवण्यात आले होते, यावेळी त्यांच्या सिंदूर (कुंकू) लोकविषयी तत्कालीन राष्ट्रपती नीलम रेड्डी यांनीही विचारणा केली होती. आजही अनेकदा रेखा सुंदर कांजीवरम साड्या, जड दागिने व कुंकू लावूनच दिसून येतात व खरंच आजही अनेकांना आपल्या अदांनी घायाळ करतात.