Photos : देसी गर्लचं परदेशात दिवाळी सेलिब्रेशन, सासूबाई मधू चोप्रा यांची काळजी घेताना दिसला निक जोनस

बॉलिवूडची देसी गर्ल प्रियांका चोप्राने पती निक जोनसबरोबर लॉस एंजेलिसमध्ये दिवाळी साजरी केली. यावेळी निक जोनस आणि प्रियांका यांच्यासह तिची आई मधू चोप्रासुद्धा दिसल्या. प्रियांकाच्या रेस्टॉरंट बाहेरील दिवाळी सेलिब्रेशनचे काही फोटो समोर आले आहेत. या फोटोंमध्ये निक जोनसने सासूबाई मधू चोप्रा यांचा हात पकडलेला दिसत आहे. सोशल मीडियावर व्हायरल झालेल्या या फोटोंमध्ये प्रियांका आणि मधू चोप्रा पारंपरिक ड्रेसमध्ये दिसत आहेत. तर निक जोनस ब्लॅक कलरच्या आउटफिट्समध्ये खूपच हॅन्डसम दिसत आहे. या फोटोंमध्ये निक आणि मधू चोप्रा यांच्यात खूप चांगलं बॉन्डिंग असल्याचं दिसून येत आहे. निक जोनसला मधू चोप्रा यांचा हात पकडून चालताना पाहून चाहते त्याचं कौतुक करत आहेत. तर काही फोटोंमध्ये प्रियांका चोप्रा हे क्षण आपल्या कॅमेऱ्यात कैद करताना दिसत आहे. दरम्यान मुलगी मालतीच्या जन्मानंतर प्रियांका चोप्राची ही पहिलीच दिवाळी आहे. प्रियांका आपल्या देशापासून खूप दूर असली तरी प्रत्येक भारतीय सण साजरा करताना दिसते. प्रियांका चोप्राचा हाच अंदाज तिच्या चाहत्यांची मनं नेहमीच जिंकून घेत असतो. (फोटो साभार- प्रियांका चोप्रा इन्स्टाग्राम, प्रियांका चोप्रा फॅनपेज)