Photos : कामातून ब्रेक घेत मराठमोळी अभिनेत्री श्वेता शिंदे पोहचली ‘या’ देशात! सोशल मीडियावर फोटो व्हायरल

बॉलिवूडप्रमाणे मराठी अभिनेत्रीदेखील कायमच चर्चेत असतात. अभिनेत्री, निर्माती श्वेता शिंदे गेली अनेकवर्ष मालिका चित्रपट क्षेत्रात कार्यरत आहे. सध्या श्वेता शिंदे आपल्या कामातून वेळ काढत सुटी एन्जॉय करताना दिसून येत आहे. आपल्या सोशल मीडिया अकाऊंटवरून तिने माहिती दिली आहे. श्वेता शिंदे वेगवेगळ्या लूकमधील फोटो सोशल मीडियावर शेअर करताना दिसते. श्वेता शिंदे सध्या तुर्कस्तानात आहे. इट्स टर्की टाईम असा कॅप्शन देत तिने आपला सेल्फी पोस्ट केला आहे. तुर्कस्तानातील रस्त्यावरचा तसेच एक कॅफेतला फोटो तिने शेअर केला आहे. यात नेहमीपेक्षा वेगळी दिसत आहे. ‘सीआयडी’, ‘अवंतिका’, ‘कुमकुम’, अवघाची हा संसार, चार दिवस सासूचे या मालिकांमधून तिने अभिनय केला आहे. श्वेता अभिनयापासून दूर असली तरी निर्मिती क्षेत्रात ती कार्यरत आहे. ‘वज्र प्रोडक्शन’ ही निर्मिती कंपनी तिने २०१६ मध्ये सुरु केली. वज्र प्रोडक्शनद्वारे ‘लागीर झालं जी’, ‘देवमाणूस’, ‘मिसेस मुख्यमंत्री’, ‘साता जन्माच्या गाठी’ या मालिकांची निर्मिती करण्यात आली आहे. झी मराठी वाहिनीवर ‘अप्पी आमची कलेक्टर’ ही नवीन मालिका श्वेता घेऊन आली आहे. २००७ साली तिने अभिनेता संदीप भन्साळी याच्याशी लग्नगाठ बांधली आहे. या जोडप्याने काही दिवसांपूर्वी झी मराठीवरील ‘बँड बाजा वरात’ या कार्यक्रमात हजेरी लावली होती. संदीपने अनेक यशस्वी हिंदी मालिकांमध्ये काम केले आहे. संदीप सध्या अभिनय क्षेत्रापासून दूर असून त्यांचा कपड्यांचा व्यवसाय आहे. फोटो सौजन्य : इन्स्टाग्राम