Photos : …म्हणून अमिताभ बच्चन ‘जलसा’बाहेर चाहत्यांना भेटण्याआधी काढून ठेवतात चप्पल!

1/15

बॉलिवूडचे महानायक अमिताभ बच्चन यांचा केवळ भारतातच नाही जगभरात मोठा चाहतावर्ग आहे.

2/15

आजही अमिताभ बच्चन यांचा अभिनय आणि उत्साह नव्या कलाकारांना लाजवणारा असाच असतो.

3/15

त्यांना भेटण्यासाठी त्यांचे चाहते दर रविवारी त्यांच्या ‘जलसा’ बंगल्याबाहेर गर्दी करतात.

4/15

विशेष म्हणजे बिग बीसुद्धा आपल्या चाहत्यांना तेवढ्याच उत्साहाने आणि आपुलकीने भेटतात.

5/15

चाहत्यांचं त्यांना पाहण्यासाठी गर्दी करणं त्यांच्यासाठी खूप महत्त्वाचं असल्याचंही ते सांगतात.

6/15

अमिताभ बच्चन जेव्हाही त्यांच्या चाहत्यांना भेटण्यासाठी येतात तेव्हा त्यांना भेटण्याआधी ते नेहमीच चप्पल काढतात. याचं कारण त्यांनी नुकतंच सांगितलं आहे.

7/15

अमिताभ बच्चन यांनी नुकतंच त्यांच्या एका ब्लॉगमध्ये ‘जलसा’बाहेर जमणाऱ्या चाहत्यांमध्ये आता घट होत असल्याचं म्हटलं आहे.

8/15

अमिताभ बच्चन यांच्या मते आता चाहत्यांमध्ये आपल्या आवडत्या कलाकाराला भेटण्यासाठी पूर्वीसारखा रोमांच आणि उत्साह राहिलेला नाही.

9/15

बिग बींनी आपल्या याच ब्लॉगमध्ये चाहत्यांना भेटण्याआधी ते नेहमी चप्पल का काढून ठेवतात याचं कारणही स्पष्ट केलं आहे. त्यांनी सांगितलेलं हे कारण खूपच खास आहे.

10/15

अमिताभ बच्चन यांनी त्यांच्या लेटेस्ट ब्लॉगमध्ये चाहत्यांच्या भेटीचे काही फोटो शेअर करताना चाहत्यांना भेटण्याआधी चप्पल काढणं म्हणजे चाहत्यांप्रती आपली भक्ती असल्याचं म्हटलं आहे.

11/15

त्यांनी लिहिलं, “माझ्या हितचिंतक आणि चाहत्यांना भेटण्याआधी मी शूज किंवा चप्पल काढतो… ही माझ्यासाठी त्यांच्याप्रती असलेली भक्ती आहे.”

12/15

आपल्या ब्लॉगमध्ये ते पुढे लिहितात, “माझ्या लक्षात आलंय की आता चाहत्यांच्या संख्येत घट झाली आहे. उत्साह कमी झाला आहे.”

13/15

आमिताभ यांनी पुढे लिहिलं, “लोकांचा आनंदाने ओरडण्याच्या आवाजाची जागा आता कॅमेराने घेतली आहे. हे सगळं सांगतं की आता वेळ बदलली आहे आणि कोणतीही गोष्ट कायमची राहत नाही.”

14/15

दरम्यान अमिताभ बच्चन ८० च्या दशकापासून अनेक वर्ष ‘जलसा’बाहेर चाहत्यांना भेटतात.

15/15

आपल्या चाहत्यांना हात हलवून अभिवादन करतात. त्यांच्या या भेटीला काही चाहत्यांनी ‘दर्शन’ असं नावही दिलं आहे. (फोटो साभार- srbachchan/tumblr, अमिताभ बच्चन इन्स्टाग्राम)