“माझ्यावर दडपण…” नागार्जुनबरोबरच्या नात्यावर तब्बूने भर कार्यक्रमात दिलेलं सविस्तर उत्तर

आपल्या अभिनयाच्या जोरावर स्वत:ची अशी वेगळी ओळख निर्माण करणारी अभिनेत्री म्हणजे तब्बू. आज ४ नोव्हेंबर रोजी तब्बूचा वाढदिवस आहे. तिने आजवर अनेक चित्रपटांमध्ये काम केले असून त्यातील बहुतांश चित्रपट सुपरहिट ठरले आहेत. या चित्रपटांनी बॉक्स ऑफिससोबतच चाहत्यांच्या मनावर एक वेगळीच जादू केली आहे. सिनेसृष्टीतील करिअरसह तब्बू तिच्या खासगी आयुष्यामुळे देखील चर्चेत होती. वयाची ५० ओलांडूनही तब्बू अद्याप अविवाहित आहे. तिने लग्न का केले नाही? याबाबत अनेकदा प्रश्न उपस्थित केला जातो. सिनेसृष्टीत एकेकाळी तब्बूच्या अफेअरच्या अनेक चर्चा रंगल्या होत्या. दाक्षिणात्य सुपरस्टार नागार्जुन अक्कीनेनी याच्याबरोबर तब्बूचे अफेअर होतं असेही म्हटलं जातं. नागार्जुन आणि तब्बू बराच काळ एकमेकांना डेट करत होते, अशाही चर्चा रंगल्या होत्या. मात्र काही महिन्यांपूर्वी तब्बूने या सर्व चर्चांवर मौन सोडले. तब्बूने करण जोहरचा टॉक शो कॉफी विद करणमध्ये हजेरी लावली होती. यावेळी करणने तिला बॉयफ्रेंडसह खासगी आयुष्याबद्दल विविध गोष्टींवर प्रश्न विचारले. 'तुमच्या बॉयफ्रेंडबद्दल मीडियामध्ये फार उत्सुकता आहे. त्याबद्दल त्यांना जाणून घ्यायचे आहे?' असे करणने तब्बूला विचारले होते त्यावर उत्तर देताना तब्बू म्हणाली, "माझे अनेक बॉयफ्रेंड होते. पण नागार्जुन मात्र कायम राहिला." "नागार्जुनची कथा खूप जुनी आहे. अनेकदा लोक मला त्याबद्दल विचारत असतात." "नागार्जुन हा माझ्या आयुष्यातील अशा काही मोजक्या लोकांपैकी आहे जे माझ्या फार जवळ आहेत." "नागार्जुनबरोबरच्या नात्यामुळे माझ्यावर दडपण किंवा ताण येत नाही." "पण त्याच्या आणि नात्याबद्दल अनेक लोक मला विचारत असतात." "पण मी त्या नात्याला काहीही नाव दिलेले नाही आणि ते देऊही इच्छित नाही", असे तब्बू म्हणाली. दरम्यान नागार्जुन आणि तब्बूची एका चित्रपटाच्या चित्रीकरणादरम्यान ओळख झाली होती. त्या दरम्यान दोघे ही ऐकमेकांच्या प्रेमात पडले. नागार्जुन आणि तब्बूचे रिलेशनशीप जवळजवळ १० वर्षे सुरु असल्याचे म्हटले जातं. आणखी वाचा : “ऐश्वर्या रायशी लग्न करण्यामागे तिचे सौंदर्य…” अभिषेक बच्चने सांगितले खरे कारण