मराठी अभिनेत्याने खरेदी केली भारतीय बनावटीची पहिली बाईक, फोटो पाहिलेत का?

कलर्स मराठीवरील जीव माझा गुंतला ही मालिका घराघरात लोकप्रिय आहे. या मालिकेने अल्पावधीतच प्रेक्षकांच्या मनात एक वेगळे स्थान निर्माण केले आहे. या मालिकेतील अंतरा आणि मल्हार ही जोडी घराघरात प्रसिद्ध आहे. या मालिकेत मल्हारची भूमिका साकारणाऱ्या सौरभ चौगुलेने विंटेज बाइक खरेदी केली आहे. त्याने या बाईकचे काही फोटोही शेअर केले आहेत. सौरभने खरेदी केलेल्या बाईकचे नाव लक्ष्मी असे आहे. लक्ष्मी बाईक ही पहिली भारतीय बनावटीची मोपेड बाईड आहे. ही बाईक १९६० मध्ये कोल्हापुरात तयार झाली होती. ही बाईक जवळपास ५५ वर्षे जुनी असून त्यात १९६५ चे मॉडेल बसवण्यात आले आहे. यात 48 सी सी इंजिन, २ गियर आहेत. ही बाईक किर्लोस्कर-घाटगे पाटील यांनी एकत्र येऊन बनवली आहे. आणखी वाचा : केक, गप्पा अन् सेलिब्रेशन; मेघा घाडगे-योगेश जाधवमधील रुसवे-फुगवे मिटले