‘महाराष्ट्राची हास्यजत्रा’ फेम शिवाली परबने गोंदवला खास टॅटू, फोटो होतोय व्हायरल

‘महाराष्ट्राची हास्यजत्रा’ हा कार्यक्रम आणि त्यातील कलाकार हे चर्चेत असतात. 'महाराष्ट्राची हास्यजत्रा’मुळे प्रसिद्धीझोतात आलेली अभिनेत्री म्हणून शिवाली परबला ओळखले जाते. प्रेक्षकांना खळखळून हसवण्यामध्ये ती यशस्वी ठरली. या कार्यक्रमामध्ये ती एकापेक्षा एक अतरंगी पात्र साकारताना दिसते. तिच्या विनोदाने आतापर्यंत सगळ्यांना भूरळ घातली आहे. शिवाली ही उत्तम विनोदी कलाकार आहे. पण त्याचबरोबरीने तिचा प्रत्येक लूकही प्रेक्षकांना आवडतो. शिवालीने नुकतंच एक टॅटू गोंदवून घेतला आहे. तिने तिचा हा टॅटू प्लॉंट करत अनेक फोटो शेअर केले आहेत. या फोटोवर अनेक चाहत्यांनी कमेंट केल्या आहेत. तिने तिच्या छातीजवळ हा टॅटू गोंदला आहे. हा टॅटू नेमका कशाबद्दल आहे याबद्दल कोणतीही माहिती समोर आलेली नाही.